SALMOS 97:10 - Dios Rimashcata Quillcashcami

¹⁰ Mandac Diosta cuyaccunaca millaita ruhuanata piñaichicyari. Paipaclla causaccunapac almata cuidashpami paita mana manchaccunapac maquimanta quishpichin.

SALMOS 97:10 Referans Kwoze

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

SALMOS 145:20

Mandac Diosca tucui paita cuyaccunataca cuidanmi. Ashtahuanpish paita mana manchaccunataca tucuitami tucuchinga.

SALMOS 34:14

Millaimanta anchurishpa allita ruhuangui. Pihuanpish sumacta causana yuyailla cangui.

JEREMÍAS 15:21

Mana allita ruhuac millai runacunapac maquimantapish quishpichishpami cuidasha» nirca.

AMÓS 5:15

Mana alli ruhuanata millanayachishpa, allita ruhuanata munaichic. Taripashpaca, cashcata ruhuaichic. Chashna ruhuacpi, tucuita Mandac Diosca maijan saquirishca Josepac huahua huahuacunata llaquingapishchari.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

2 TESALONICENSES 3:2

Mana tucuichu criccuna can. Chashna cashcamanta mana allita ruhuac, millai gentecuna ñucanchicta ama llaquichichunpish, Diosta mañaichic.

PROVERBIOS 2:8

Cashcata ruhuashpa causaccunata cuidashpami, paipaclla causaccunapac ñantapish huacaichin.

SALMOS 31:23

Mandac Diospaclla caccuna paita cuyaichic. Mandac Diosca paita cazuccunataca cuidanmi. Ashtahuanpish jatun tucushcacunataca yallihuanmi llaquichinga.

1 JUAN 5:18

Maijanpish Diospac huahua cashpaca, juchata mana ruhuacushcatami yachanchic. Diospac Churi paicunata huacaichicpimi, diabloca imata mana ruhuanata pudin.

1 JUAN 4:19

Diosrac cuyashcamantami ñucanchicpish paitaca cuyanchic.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

DANIEL 6:27

Paillatacmi quishpichicpish, cacharichicpish can. Jahua pachapipish, cai pachapipish pi mana ruhuaipaccunata ruhuashpami ricuchin. Paimi leoncuna causana jutcupica cuidarca» nishpami quillcarca.

APOCALIPSIS 13:8

Tucui cai pachapi causaccunami chai animaltaca “allimari cangui” nircacuna. Chaicunaca cai pachata Dios ruhuashca punzhamanta pacha huiñaita causangapac rina, huañuchishca cac Pactalla Oveja charicuc libropi shutita mana quillcashcacunami can.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

1 CORINTIOS 8:3

Ashtahuanpish Diosta maijanpish cuyacca, Diospac ricsishcami can.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

SALMOS 125:3

Millaita ruhuaccunaca cashcata ruhuaccunapac llactapica mana unaita mandangachu. Chashna unaita mandacpica cashcata ruhuaccunami paicunapac maquihuan mana allita ruhuangacuna.

SALMOS 119:163

Llullanataca piñashpa millanimi. Ashtahuanpish can mandashcataca cuyanimi.

SALMOS 91:14

Sumac Diosca: «Paitaca ñucata cuyashcamantami quishpichisha. Ñuca shutita ricsishcamantami ashtahuan jahuapi churasha.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

ROMANOS 7:24

¡Aij, ñucalla! Ñuca cuerpopi tiyac munai huañuiman apacucmantaca, ¿pitac cacharichinga?

ROMANOS 7:15

Ñucaca, ñuca munashcataca mana ruhuanichu, ashtahuanpish mana munashcataracmi ruhuani. Chaimantami ñuca ruhuashcacunataca mana entendini.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

SALMOS 119:104

Can mandashcamantami alli yuyaita japircani. Shina cashcamantami llulla causaitaca piñani.

SALMOS 101:3

Mana alli ruhuanataca ricunallatapish mana ricushachu. Diosmanta anchurishpa millaita ruhuanataca manatac ricunayachishachu. Paicunapuramantaca pipish ñucapacmanca mana cuchuyangachu.

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

SALMOS 121:7

Mandac Diosmi tucui mana allimanta cuidanga. Cambac causaitapish paimi huacaichinga.

AMÓS 5:14

¡Mana alli ruhuanapac randica, alli ruhuanata munaichic! Chashna ruhuashpaca causanguichicmi. Cancuna nishca shinallatacmi tucuita Mandac Diosca cancunahuan canga.