SALMOS 96:6 - Dios Rimashcata Quillcashcami

⁶ Sumaimana achic nicucmi cambac ñaupapica tiyan. Cambac huasipica sumac podermi tiyan.

SALMOS 96:6 Referans Kwoze

SALMOS 104:1

¡Ñuca almalla, Mandac Diosta alli niyari! ¡Ñucata Mandac Dioslla, canca yallita jatun Diosmi cangui! Canca achic nicuc-huan, sumaimanahuan churarishca shinami cangui.

SALMOS 93:1

¡Mandac Diosmi tucuita mandacun! Paica sumac achiclla churana churarishcami. Paica tucuita ruhuac cashcahuanmi churanata churarishca shina, chumbillishca shinapish can. Paimi cai pachataca pi mana cuyuchipacta sinchita ruhuarca.

1 CRÓNICAS 16:27

Paipac ñaupapica, sumaimana achicllami tiyan. Pai causanapica poderpish, cushicuipish tiyanmi.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

SALMOS 50:2

Tucuita yalli sumac Sión urcumantami Diosca achicyachishca.

SALMOS 29:9

Mandac Dios rimashcaca encina yuracunatapish paquinmi. Sachacunatapish cuyuchishpami chushac caspillata saquin. Paipac huasipica tucuimi pai sumaimana cashcata huillacun.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

SALMOS 19:1

Jahua pachaca Dios sumaimana cashcatami huillan. Chaipi tiyashcacunaca paipac maquihuan ruhuashcatami ricuchin.

SALMOS 8:1

Mandac Dioslla, canmi ñucanchic mandac cangui. ¡Tucui cai pachapimi cambac shutica jatunyachishca, sumaimana can! Can sumaimana cashcataca jahua pachapimi churashcangui

SALMOS 63:5

Ñuca almaca huira aichata micushca shinami cushicunga. Jatun cushicuihuanmi ñuca shimihuan alabasha.