SALMOS 95:4 - Dios Rimashcata Quillcashcami

⁴ Allpa ucupi ima tiyaccunapish, jatun urcucunapish paipac maquipimi. Tucui caicunaca paipacmi.

SALMOS 95:4 Referans Kwoze

SALMOS 135:6

Mandac Diosca jahua pachapipish, cai pachapipish, mama cuchatapish, chaipi tucui tiyaccunatapish, yacucunapipish pai munashcatami ruhuan.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

JOB 9:5

Pai yallita piñarishpaca urcucunatapish cuyuchinmi, maipi cashcamanta tuñishpa shitanmi, chaitaca pipish mana yachanchu.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

MIQUEAS 1:4

Pai sarucpica, urcucunapish, pambacunapish ninapi cera yacuyac shinami yacuyashpa ucuyanga. Jahuamanta yacu talliricuc shinami talliringa.

SALMOS 97:5

Urcucunapish huira shinami tucui cai pachata Mandac Diospac ñaupapi nuyurca.

SALMOS 65:6

Canmi urcucunataca cambac poderhuan sinchita ruhuashcangui. Podertaca chumbillirishca shinami charingui.

JOB 11:10

Pai shamushpa, prezu japishpa, ima ruhuashcata tapungapac cayacpica, ¿pitac jarcai pudingayari?

SALMOS 21:2

Paipac shungu munashcatapish, paipac shimihuan mañashcatapish cushcanguimi.

SALMOS 71:20

Achca llaquicunata, nanaicunatami ricuchircangui. Shina cashpapish canllatacmi cutin causaita cushpa enterrashcamantapish llucchingui.