SALMOS 95:1 - Dios Rimashcata Quillcashcami

¹ ¡Mandac Diosta cushicushpa cantangapac shamuichic! Ñucanchic quishpichic jatun rumitaca yallita cushicushpa cantashunchic.

SALMOS 95:1 Referans Kwoze

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

SALMOS 81:1

¡Ñucanchic jarcarina jatun torre shina Diostaca cushicushpa cantaichicyari! ¡Jacobopac Diostaca yallita cushicushpa caparishpa alli nichicyari!

SALMOS 150:6

¡Tucui samaita chariccuna alabaichicyari! ¡Mandac Diosta alabaichicyari!

2 SAMUEL 22:47

¡Mandac Diosca causacuchunlla! ¡Sinchi rumi shina ñuca Diosca alli nishca cachun! Ñucata quishpichic Diosca jatunyachishca cachun.

ÉXODO 15:21

Chashna cantashpami Mariaca: «¡Mandac Diosta cantaichic! ¡Paipac poderta ricuchishpami, carretacunapish, caballocunapi ric soldadocunatapish, cuchapi ucuyachirca!» nirca.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

SALMOS 100:1

¡Mandac Diostaca tucui cai pachapi causaccuna cushicushpa cantaichic!

SALMOS 34:3

Mandac Diostaca ñucahuan pacta alli nichicyari. Paipac shutitaca shuc shinalla tucushpa jatunyachishunchicyari.

1 CRÓNICAS 16:9

¡Paiman Salmocunata cantaichic. Pai tucui sumaimana, ruhuashcacunata parlaichicyari!

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

SALMOS 66:8

Llactacunapi causaccuna ñucanchic Diosta alli nichicyari. Paita cantashpa uyachichicyari.

DEUTERONOMIO 32:15

Jesurunca yallita huirayashpa, huira tapashpa cashpami paita ruhuac Mandac Diostaca mana cazurca. Quishpichic jatun Rumi shina Diostaca mana chasquircachu.

APOCALIPSIS 19:6

Chai quipaca achca gentecuna yacu huaj nicuc shina, relampa tulun nic shina rimacuctami uyarcani. Paicunaca: «¡Ñucanchicta Mandac, tucui imatapish ruhuac Diosca mandai callarishcami! ¡Chaimanta paitaca tucuilla alli nishca cachun!

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

EFESIOS 5:19

Salmocunatapish, Diospac Espíritu yuyachishca sumac cantocunatapish caishuc chaishuc parlanacuichic. Apunchic Jesucristota tucui shunguhuan “allimari cangui” nishpa cantaichic.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

SALMOS 118:1

¡Mandac Diosca allimi, huiñaita llaquicmi! ¡Chaimanta paita alabaichicyari!

SALMOS 117:1

¡Tucui llactacuna, tucui gentecuna, Mandac Diosta alabaichicyari!

ÉXODO 15:1

Chaimanta Moisespish, israelcunapish Mandac Diosta cantashpaca: «Mandac Diosca caballocunatapish, caballopi ric soldadocunatapish, cuchapi shitashpami paipac poderta ricuchishca. ¡Chaimantami paita alli nisha!

SALMOS 107:21

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish pagui nichicyari!

SALMOS 107:15

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish pagui nichicyari!

SALMOS 107:8

¡Mandac Diostaca yallita llaquic cashcamantapish, huañunalla runacunaman jatun mancharinacunata ruhuashcamantapish pagui nichicyari!

SALMOS 101:1

Mandac Dioslla, can llaquic cashcamanta, allita mandac cashcamantami cantasha.

SALMOS 89:26

Pai ñucata mañashpaca: “Canca ñuca taitami cangui. Ñuca Diosmi cangui. Ñuca miticuna quishpichic jatun rumimi cangui” ningami.

APOCALIPSIS 14:3

Chaicunaca mushuc cantotami mandashpa tiyarinapac ñaupapi, chuscu causaita chariccunapac ñaupapi shinallatac ishcai chunga chuscu yuyaccunapac ñaupapi cantacurcacuna. Chai cantotaca pipish mana yachacui pudircachu, ashtahuanpish chai pasac chuscu chunga chuscu huaranga cai pachamanta quishpirishcacunallami yachacurca.

2 CRÓNICAS 20:28

Jerusalenman shamushpaca, salteriopi, arpapi, trompetapi tocashpami Mandac Diospac huasiman shamurcacuna.

SALMOS 18:47

Paica ñucata llaquichiccunata llaquichic Diosmi. Shuctac gentecunata ñuca chaqui ucupi churacmi.