SALMOS 94:4 - Dios Rimashcata Quillcashcami

⁴ Paicunaca millaita ruhuaccunami. Capariccuna, jatun tucushcacunami. ¿Maicamantac millaita ruhuashpa cushicuchun saquinguiyari?

SALMOS 94:4 Referans Kwoze

SALMOS 31:18

Cashcata ruhuac runataca jatun tucushpami, piñashpa maipish cachun camincuna. Chai llullaccunaca upayashca saquirichun.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

SALMOS 140:3

Paicunapac calluca culebrapac callu shina puntasapami. Paicunapac shimicunapish culebrapac veneno shinami.

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

SAN MATEO 12:24

Chaita uyashpami fariseocunaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircacuna.

DANIEL 8:11

Chashna ruhuashpami, jahua pachapi tiyaccunata mandac-huanpish piñarishpa shayarirca. Chashnami punzhanta Diosman cushpa rupachinatapish anchuchishpa Diospaclla huasitapish urmachirca.

DANIEL 7:11

Shinallatac gachuca millai rimaicunatami rimacurca. Chai manchaipac animalta huañuchishpa, cuerpota polvoshpa ninapi shitactapish ricurcanimi.

DANIEL 7:8

Chai gachucunata ricucucllapitacmi chai gachucuna chaupipica shuc uchilla gachu huiñashpa ricurirca. Chai uchilla gachupac ladomantami caishuc gachucunapuramanta quimsa gachuta anchuchirca. Chai uchilla gachuca gentecunapac ñahui shinami carca. Shinallatac millaita rimaric shimitapish charircami.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

PROVERBIOS 30:14

Maijan huahua huahuacunapac ñaupa quirucunaca espadata shina, cuchu quirucunaca cuchillota shinami can. Paicunaca llactapi causac huacchacunata, runacunapurapi yangalla gentecunata lambic shina tucuchingapacmi causancuna.

SALMOS 59:12

Paicunapac shimihuan juchallishcamanta, paicunapac shimihuan llaquichishcamanta, paicuna jatun tucushpa rimashcamanta, llaqui tucuchun nishcamanta, llullashpa rimashcamantaca prezushca cachun.

SALMOS 59:7

Paicunaca: «Ñucanchictaca pi mana uyangachu» nincunami. Chai shimicunaca espada shinami.

1 SAMUEL 2:3

Ama sinchi rimaicunata rimaichicchu. Mandac Diosca tucuita yachac Diosmi. Ama cancunallatac alli cashcataca yuyaichicchu. Paimi ima ruhuashcatapish, pezac shina ricucun.

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!