SALMOS 94:2 - Dios Rimashcata Quillcashcami

² Canmi cai pachapi causaccunapac juez cangui. Jatun tucushcacunataca paicuna ima shina ruhuashca shinallatac llaquichiyari.

SALMOS 94:2 Referans Kwoze

SALMOS 7:6

¡Ñucata Mandac Dioslla, piñarishpa jatariyari! Ñucata piñaccuna llaquichicpi ñucamanta shayariyari. Canca cashcata ruhuasha nishpami mandarcangui. ¡Chaimanta ñucata misaiyari!

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

SALMOS 31:23

Mandac Diospaclla caccuna paita cuyaichic. Mandac Diosca paita cazuccunataca cuidanmi. Ashtahuanpish jatun tucushcacunataca yallihuanmi llaquichinga.

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.

MIQUEAS 5:9

Chashnami cancunata piñaccunata atinguichic. Chashna ruhuacpimi, cancunata mana ricunayachiccunaca tucui chingaringa.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 2:17

Cariyashpa puriccunapac ñahuitaca cumurichingami. Jatun tucushcacunatapish pingaichingami. Chai punzhapica Mandac Diosllami jatunyachishca canga.

SALMOS 74:22

Dioslla, mana entendic runaca punzhanta camicunllami. Chaitaca jatarishpa misaiyari.

SALMOS 68:1

Dios jataricpi, paita piñaccunaca caita chaita callpachun. Paita mana ricunayachiccunapish paipac ñaupamanta rishpa maipi miticugrichun.

SALMOS 50:6

Can Diosca juezmi cangui. Chaimantami cashcata can ruhuashcataca jahua pacha huillanga.

2 CRÓNICAS 20:12

Ñucanchic Mandac Dioslla, paicuna chashna ruhuashcamanta llaquichiyari. Ñucanchic-huan macanacungapac shamuc achca gentecunahuan shayaringapacca mana fuerzata charinchicchu. Ima ruhuanatapish mana yachanchicchu, ashtahuanpish canllatami chaparacunchic» nirca.

SALMOS 82:8

¡Dioslla, cai pachataca jatarishpa taripaiyari! ¡Canmi tucui llactacunata cambac cachun japingui!