SALMOS 94:16 - Dios Rimashcata Quillcashcami

¹⁶ Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

SALMOS 94:16 Referans Kwoze

JUECES 5:23

Mandac Diospac angelca: “¡Meroz pueblopi causaccunataca maldiciashca cachun!” nirca. Mandac Dios paipac sinchi runacunata macanacucucpi mana ayudangapac shamushcamanta “sinchita maldiciashca cachun” nirca.

3 JUAN 1:8

Chaimantami ñucanchic criccunaca paicunata imallahuan ayudashpa, cashcata nic alli huillaita huillanata ayudana canchic.

SAN MATEO 12:30

Maijanpish mana ñucahuan cashpaca, ñucata piñacmi. Maijanpish ñucahuan mana cashpaca, ñuca tandachishcacunata tucuchicmi.

EZEQUIEL 22:30

Chai llactata mana llaquichisha nishpami, ñucaca maijan cai llactamanta ñucahuan rimachun, shuc runata mashcarcani. Shina mashcashpapish mana tarircanichu.

JEREMÍAS 5:1

Mandac Diosca: «Cunanca, Jerusalén ñancunapi purishpa alli ricuichic. ¿Cashcata ruhuac, allita mashcac runaca tiyanchu? Plazacunapi mashcaichic. Shuc runallapish allita ruhuac tiyacpica, Jerusalentaca quishpichishami.

ISAÍAS 63:5

Ñuca muyundita chapacpica, pipish ñucata ayudac mana tiyarcachu. Chaita ricushpaca mancharishpa saquirircani. Chaimantami ñuca rigrallahuantac macanacushpa misharcani. Ñuca yallita piñarishcami sinchiyachirca.

ISAÍAS 59:16

Mandac Diosca chashna millaita ruhuashpa causacucta ricurcami. Chashna ruhuacucpipish, pi mana ayudac tiyacpimi, yallita llaquirirca. Chaimantami paipac poderhuan quishpichirca. Shinami cashcata ruhuac cashcata ricuchirca.

SALMOS 59:2

Millaita ruhuaccunamanta huacaichiyari. Huañuchiccunapac maquimanta quishpichiyari.

SALMOS 17:13

¡Mandac Dioslla jatariyari! ¡Paicunahuan shayarishpa, paicunata cungurichiyari! Millai gentecunapac maquimanta cambac espadahuan quishpichiyari.

NEHEMÍAS 5:7

Shina cacpipish, quipata yuyarishpami alli nishcacunatapish, mandaccunatapish rimashpaca: —Cancunaca quiquin huauquicunamanta interesta cobrashpaca, mana allitachu ruhuanguichic— nircani. Chai quipami paicunata rimangapac,

2 REYES 10:15

Chaimanta rishpaca, Recabpac churi Jonadabhuanmi tuparca. Paihuan tupashpa allillachu cangui nishca quipaca: —¿Ñuca shungu canhuan cashca shinallatacchu cambac shungupish ñucahuan can?— nirca. Shina nicpi, Jonadabca: —Ari, ñucapish chashnallatacmi cani— nirca. Chaimantami Jehuca: —Shina cashpaca, ¡cambac maquita cui!— nirca. Shina nicpimi, Jonadabca maquita curca. Chashna maquita cucpi, paipac carretapi huichicuchishpa,

2 REYES 9:32

Shina nicta Jehú uyashpa, ventanata huichai ricushpaca: —¿Pitac ñucahuan tandanacusha ninguichic?— nirca. Shina nicpimi, mandaccunapuramanta ishcai, quimsa paita chaparca.

NÚMEROS 10:35

Arcata apashpa, puri callaricpica Moisesca: «¡Mandac Dioslla jatariyari! Canta mana ricunayachiccunata caita chaita cachaiyari. Canta piñaccunataca cambac ñaupamanta callpachiyari» nircami.

SALMOS 118:6

Mandac Diosca ñucahuanmi. Maijan ñucata llaquichinamantaca mana manchashachu.