SALMOS 94:12 - Dios Rimashcata Quillcashcami

¹² Mandac Dioslla, can cunashca, cambac mandashcacunata yachachishca causac runaca mai cushimi can.

SALMOS 94:12 Referans Kwoze

JOB 5:17

¡Dios llaquichishca runaca alli nishcami can! Tucuita ruhuac Dios llaquichicpica, ama yangapi charinguichu.

1 CORINTIOS 11:32

Apunchic Jesús llaquichishpaca ñucanchicpish cai pachapaclla causaccunahuan ama jatun llaquiman richunmi llaquichin.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.

SALMOS 119:71

Allitami llaquichircangui. Chashna ruhuacpimi, can mandashcacunataca cazuni.

SALMOS 119:67

Ñaupa can manarac llaquichicpimi pandarishpa causarcani. Ashtahuanpish cunanca cambac rimashcacunata cazushpami causani.

DEUTERONOMIO 8:5

Shuc taita paipac huahuata cunac shina, canta Mandac Dios cunac cashcataca yuyaringuichic.

MIQUEAS 6:9

Judá llactapi causaccunalla, Mandac Dios llactapi causaccunata quishpichingapac cayanmi. Paipac ñaupapi cumuriccunaca yachaisapami. Mandaccunapish uyaichic.