SALMOS 92:4 - Dios Rimashcata Quillcashcami

⁴ Mandac Dioslla, can ruhuashcacunahuanca cushichishcanguimi. Cambac maquicunahuan ruhuashcata ricushpami yallita cushicuni.

SALMOS 92:4 Referans Kwoze

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

SALMOS 8:6

Can ruhuashcacunata mandactamari ruhuarcangui. Tucuitami cambac chaqui ucupi churarcangui.

SAN LUCAS 1:47

Ñuca almapish ñucata Quishpichic Diosmantami cushicun.

SALMOS 126:3

¡Mandac Diosca ñucanchicmanca jatun mancharina allicunatami ruhuashca! ¡Yallitami cushicunchic!

SAN JUAN 16:22

Shinallatacmi cancunaca llaquiringuichic. Shina cashpapish, ñuca cutimucpica, cancunapac shungupi yallitami cushicunguichic. Chai cushicuitaca pi mana quichungachu.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

SALMOS 143:5

Ñaupa huatacuna can imata ruhuashcacunata yuyarishpami, cambac maquihuan allicunata ruhuashcata yuyaricurcani.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

SALMOS 104:31

¡Mandac Diospac sumaimanaca huiñaita cachun! ¡Mandac Diosca pai ruhuashcacunahuan cushicuchun!

SALMOS 90:16

Can ruhuashcataca canta serviccuna ricuchun. Can sumaimana cashcataca, paicunapac huahua huahuacuna ricuchun.

SALMOS 64:10

Cashcata ruhuac runaca Dios-huan cushicushpami Paipi shunguta churanga. Alli shungucunaca tucuimi cushicungacuna.

SALMOS 104:34

Mandac Diosta shungu ucupi yuyarishpaca cushicunimi. Ñucaca Mandac Dios-huanmi yallita cushicuni.

SALMOS 33:2

Mandac Diostaca arpapi tocashpa pagui nichicyari. Chunga cuerdayuc tocanacunapi tocashpa cantaichicyari.