SALMOS 92:12 - Dios Rimashcata Quillcashcami

¹² Cashcata ruhuaccunaca palmera yura shinami sisacunga. Líbano urcupi tiyac cedro shinami huiñanga.

SALMOS 92:12 Referans Kwoze

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

JEREMÍAS 17:8

Paica yacu ladopi huiñashca, callpacuc yacu ladoman sapiyashca yura shinami canga. Usyai huatacunapipish, mana anguyashpami, punzhanta pucucungalla.

SALMOS 104:16

Can Mandac Dios churashca yuracunapish, Líbano urcupi can tarpushca cedro yuracunapish, yacusapa verdinlla yuracunami tucun.

SALMOS 52:8

Ashtahuanpish ñucaca verdinlla olivos yura shinami Diospac huasipica cani. Dios llaquishcamantaca huiñaitami paipi shunguta churashpa causasha.

NÚMEROS 24:6

Jatun yacu tendirishpa ricuc shina, yacu lado huerta shinami ricurin. Mandac Dios tarpushca áloes yura shina, yacu lado cedro yura shinami cangui.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

ISAÍAS 65:22

Mana shuccuna causachun huasita shayachingachu. Shuccuna micuchunpish mana tarpungachu. Ñuca acllashcacunaca yuracuna shinami unaita causanga. Ñuca acllashcacunaca paicunapac maquihuan ruhuashcahuanmi cushicunga.

SALMOS 72:7

Pai mandacuc punzhacunapi cashcata ruhuanaca sisa shinami canga. Quilla tucuringacamanmi cushilla causaica tiyanga.

ISAÍAS 55:13

Zarzapac randica ciprés, cutin chinipac randica, arrayanmi huiñanga. Chaicunami Mandac Dios ñucapac shuti jatun cashcata ricuchinga. Jaicapi mana tucuric huiñai huiñaita ricuchicmi canga» ninmi.

1 REYES 6:29

Diospac huasi muyundi pircaca canzhamanpish, ucumanpish sumac ricunacunata ruhuashcami carca. Chaicunaca querubincuna, palmera yuracuna shinallatac butucuc sisacunami carca.

SALMOS 92:7

Diosta mana manchaccuna quihua shina huiñashca cashpapish, millaita ruhuaccuna, yura sumacta sisac shina cashpapish, huiñaita chingaringapacmi cancuna.

1 REYES 4:33

Shinallatac yuracunamanta yachachishpaca, Líbano llacta cedro yuracunamanta callarishpa, patapi huiñac hisopo uchilla yuracunacamanmi yachachirca. Shinallatac jatun animalcunamantapish, volashpa puric animalcunamantapish, llucashpa puric animalcunamantapish, challuacunamantapish yachachircami.

SALMOS 148:9

urcucunapish, tucui lomacunapish, granota pucuc yuracunapish, tucui cedro yuracunapish,

ESTER 9:5

Judá gentecunaca tucui paicunata piñaccunata espadahuan huañuchishpa, tucui tucuchishpami paicuna munashcata ruhuashpa llaquichircacuna.

SALMOS 37:34

Mandac Diosta shuyashpa pai mandashcata cazui. Paimi llactata cungapac jatunyachishpa charinga. Juchata ruhuac runacunata tucuchishca quipami chaitaca ricungui.

MIQUEAS 7:10

Chaitaca ricushpaca ñucata piñashpa: “¿Canta Mandac Diosca maipitacyari?” nicpish, pingaihuan umata taparingami. Paicunata ñanpi turuta saruc shina llaquichishcataca ñuca ñahuihuantacmi ricusha.