SALMOS 91:7 - Dios Rimashcata Quillcashcami

⁷ Cambac lluqui ladopi huaranga, alli ladopi chunga huaranga urmashpa huañucpipish, cantaca pi imata mana ruhuangachu.

SALMOS 91:7 Referans Kwoze

GÉNESIS 7:23

Shinami gentecunapish, sacha animalcunapish, pambata aisarishpa puric animalcunapish, jahuata volac animalcunapish huañurca. Shina cacpipish, huambuc huasiman Noehuan yaicuccunaca mana huañurcachu.

SALMOS 32:6

Chashna cacpimi, canta cazuccunaca can uyana punzhapi mañangacuna. Jatun yacu jundac shina shamushpapish paicunataca manatac japingachu.

JOSUÉ 14:10

Riqui, cunanca Mandac Diosmi pai nishca shinallatac cunancaman causaita cushca. Shitashca pambapi israelcuna puricui punzhacunapi Mandac Diosca Moisesta chashna nishca punzhamanta cunancamanca chuscu chunga pichca huatacunami tucushca. Riqui, cunanca pusac chunga pichca huatatami charini.

JEREMÍAS 39:18

Cantaca mana espadahuan huañuchingachu. Ashtahuanpish ñucallatacmi cantaca paicunamanta quichuc shina quishpichisha. Ñucata yuyashpa causacushcamantami cantaca quishpichisha. Chaitaca Mandac Dios ñucami nini” ninmi ningui» nirca.