SALMOS 90:4 - Dios Rimashcata Quillcashcami

⁴ Canmanca huaranga huatacunaca pasashca caina punzha shinallami. Tutaca asha horas shinallami.

SALMOS 90:4 Referans Kwoze

2 PEDRO 3:8

Cuyashca criccuna, Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

SAN MATEO 24:43

Caita yuyarichic: Ima horas shuhuac shamunata huasiyuc yachashpaca, mana sueñushpami chapanman. Chashnami huasimanta imatapish mana shuhuachinman.

SAN LUCAS 12:38

Unai tuta cashpa, pacarimuna cashpapish, riccharashpa chaparacucta amo shamushpa japicpica, chai serviccunamanca mai cushicuimi canga.

SAN MATEO 14:25

Jesusca ña punzhayamucucpimi, yacu jahuata purishpa yachacuccunapacmanca cuchuyacurca.

ÉXODO 14:24

Tutamanta ña pacaricucpimi, Mandac Diosca Egipto runacunataca suni nina puyumanta ricushpa, tucuita muspachirca.

JUECES 7:19

Chashnami chaupi tutacaman cuidaccuna llucshicpi, shuctac cuidaccuna yaicucpi, Gedeonca patsac runacunahuan madianitacunapac carpa huasi canzhaman chayarca. Chaipimi cornetacunapi tocashpa, paicuna aisashca puñucunata paquirca.