SALMOS 90:12 - Dios Rimashcata Quillcashcami

¹² Ñucanchic shungupi alli yuyaita japingapac, ñucanchic causana punzhacuna yupashcalla cashcata allita ricuchiyari.

SALMOS 90:12 Referans Kwoze

SALMOS 39:4

«Mandac Dioslla, ñuca causai tucurinata huillaiyari. Maicaman causana cashcatami yachasha nini. Ñuca huañuna cacpipish ricuchiyari.

SAN JUAN 9:4

Punzha tiyacpiracmi, ñucata Cachac Diospacta ruhuana canchic. Ña tutayacpica, pi imata mana ruhuai pudinchu.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

PROVERBIOS 4:7

¡Tucuimanta yallica alli yachac canami ashtahuan alli! ¡Allita yachacuiyari! Tucui charishcacunamanta yallica allita entendinatami munana cangui.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

PROVERBIOS 23:12

Yachachishca shimicunataca tucui shunguhuan pactachingui. Alli yachachishpa rimashcacunata cambac ringrihuan uyangui.

PROVERBIOS 22:17

Yuyaisapacuna yachachishpa rimashcacunataca cambac ringrihuan uyangui. Ñuca alli yachachishcataca tucui shunguhuan pactachingui.

PROVERBIOS 16:16

Alli yachaitaca alli curitapish yallimi mashcana. Alli yuyaiyuc canaca cullquita yallimi alli.

PROVERBIOS 4:5

¡Alli yachac caiyari! ¡Allita entendiyari! Ñuca rimashpa yachachishcacunataca ama cungaringuichu, ama saquinguichu.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

PROVERBIOS 23:23

Cashcata nishpa causanatapish, alli yachaitapish, alli yuyaita cushcatapish randic shina chasquishpaca, ama catunguichu.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

ECLESIASTÉS 7:2

Jatun micuiman rinapac randica, duelopac huasiman rinami ashtahuan alli. Huañuimi tucui runacunata tucuchin. Causaccunaca chaitami yuyarina can.