SALMOS 90:10 - Dios Rimashcata Quillcashcami

¹⁰ Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

SALMOS 90:10 Referans Kwoze

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

SALMOS 78:39

Diosca paicunataca huañuclla aichayuc cashcata, samai llucshishpa, mana cutin cutimuc shina cashcatami yuyarirca.

2 SAMUEL 19:35

Ñucaca pusac chunga huatayucmi cani. Ima sumac micuicunapish, ubianacunapish ñucamanca imalaya cashca mana yacharinchu. Shinallatac caica mishquimi, jayacmi ninataca mana pudinichu. ¿Caricuna, huarmicuna cantashcatapish uyai pudishachu? Canta servic ñucaca maitatac jatun mandactaca llaquichishpa causagrishayari.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

DEUTERONOMIO 34:7

Moisesca patsac ishcai chunga huatayuc cashpami huañurca. Paica jaicapi ñahui mana shuctaclaya tucurcachu. Alli sinchimi carca.

1 REYES 1:1

Jatun mandac David ña achca huatacunata charishcamanta yallita yuyac cacpica, catacunahuanmi pilluchircacuna, shina pilluchicpipish, manatac cunuricchu carca.

JOB 24:24

Asha punzhallatami jatun tucushca cancuna, ashtahuanpish utcami chingarincuna. Paicunata cumurichishcaca pitishca quihua anguyac shinami. Cebada umata pitishca shinami tucuncuna.

JOB 14:10

Ashtahuanpish runa huañushpaca, tucurinmi. Samai chingarishpaca, ¿maimanshi rin?

ISAÍAS 38:12

Ñuca causana huasipish ovejata michina carpata shinami, shuc ladoman anchuchirca. Ahuac runa ahuashcata pitic shinami, cai ungüihuan ñuca causaica pitirin. Punzha cashpa, tuta cashpapish tucurigrinimi” yuyarcami.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

JOB 20:8

Muscushca shinallami tucuringa. Paitaca mana taringachu. Muscuipi ricushca shinallami chingaringa.

GÉNESIS 6:3

Chaita ricushpami, Mandac Diosca: «Ñuca espíritu cai runacunapi huiñaita causachunca, mana saquishachu. Paicunaca huañunalla aichami. Chaimantami patsac ishcai chunga huatallata causanga» nirca.

LEVÍTICO 27:7

Sucta chunga huatata charicmanta huichaimanca chunga pichca siclos cullquitami pagana can. Huarmimantaca chunga siclos cullquitami pagana can.

JOSUÉ 14:11

Shina cashpapish Moisés chai llactata ñucata ricuchun cachacui punzhacunapi cashca shinallatacmi sinchirac cani. Macanacungapac llucshingapacpish, yaicungapacpish chai punzhacunapi shinallatacmi cunanpish sinchirac cani.

2 SAMUEL 19:36

¿Imamantatac can jatun mandacca ñucaman cai convidanata cusha ninguiyari? Canta servic ñucaca Jordán yacuta pasangacamanmi rigrini.

JOB 5:7

Shina cacpipish, rupacuc nina saltashpa huañuc shinami runapish llaqui tucungapac huacharin.