SALMOS 9:18 - Dios Rimashcata Quillcashcami

¹⁸ Mandac Diosca huacchacunataca mana huiñaita cungaringachu. Paicuna shuyanapish mana huiñaita chingaringachu.

SALMOS 9:18 Referans Kwoze

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

PROVERBIOS 23:18

Chashna cacpica, shamuc punzhacuna canman allimi canga. Shinallatac can shuyacushcaca mana yangachu canga.

PROVERBIOS 24:14

Chashnallatac cambac almapac allipac alli yachacuiyari. Chashna yachacucpica, shamuc punzhacunaca allimi canga. Can shuyacushcapish mana yangachu canga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

SALMOS 102:20

Chaica prezucuna huacashpa mañashcata uyangapac, huañuchingapac charicushcacunata cacharichingapac chashnaca ricurca.

SAN LUCAS 6:20

Jesús paipac yachacuccunata ricushpaca: «¡Cushicuichic, huacchacuna! Jahua pacha Dios mandacucca cancunapacmi.

SAN LUCAS 1:53

Yarcaihuan caccunamanca, allicunatami achcata carashca. Chayuccunataca, chushac maquitami cachashca.

SALMOS 109:31

Diosca almata juchanchiccunamanta quishpichingapacmi, imatapish mana charic runapac alli ladopi shayaringa.

SALMOS 102:17

Imatapish mana ruhuai pudic gentecuna mañashcataca uyangami. Paicuna yallita mañacushcataca mana yangapi saquishpa chasquingami.

SALMOS 72:4

Gentecunapurapi llaquilla causaccunataca allita ricushpami mandanga. Huacchacunapac huahuacunata quishpichishpami, llaquichiccunataca sarunga.

SALMOS 71:5

Mandac Dioslla, canmi ñuca shuyanapish, ñucata huambramanta pacha cuidacpish cangui.

SALMOS 9:12

Diosca llaquilla caccunatami yuyarirca, paicuna huacashcataca mana cungarinchu Huañuchiccunata llaquichinmi.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 139:19

¡Sumac Dioslla, canta mana manchac runataca huañuchiyari! ¡Chai huañuchic gentecunataca ñucamanta anchuchiyari!