SALMOS 9:17 - Dios Rimashcata Quillcashcami

¹⁷ Millaita ruhuaccunapish, Diosta cungaric gentecunatapish Seolmanmi apashca canga.

SALMOS 9:17 Referans Kwoze

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

JOB 8:13

Chashnallatacmi Diosta tucui mana cazuccunaca tucun. Shinallatacmi Diosta mana manchaccuna imata shuyacushcaca chingarin.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

JEREMÍAS 18:15

Ashtahuanpish ñuca acllashcacunaca ñucata cungarishpami ruhuashcalla dioscunaman inciensota rupachin. Chashnami ñanta chingachishpa mitcaric shina pandarin. Shinallatac ancho ñancunata saquishpami mana ricsishca ñancunallata purin.

JEREMÍAS 13:25

Mandac Dios ñucami canta llaquichigrini. Ñucata cungarishpa llullata crishpa, causashcamantami can mana allita ruhuashca shinallatac llaquichigrini.

JEREMÍAS 2:32

Carihuan manarac chayarishca solteraca, ¿sumac churanata cungarinchu? Cazarangapac ari nishca solteraca, ¿sumacta allichirinataca cungarinchu? Ashtahuanpish ñuca acllashcacunaca mana yupaipac punzhacunatami ñucata cungarishpa causan.

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.

ISAÍAS 5:14

Chaimantami Seolpish piña animal shina, shimita achcata pascashca. Chaimanmi alli nishca runacunapish, paicunahuan cushicuc achca gentecunapish urai ringa.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

SALMOS 106:13

Ashtahuanpish Dios ruhuashcacunata utca cungarishpami can yuyaita cuchunca mana shuyarcacuna.

SALMOS 49:14

Paicunataca huañuimi manada ovejata shina Seolman pushanga. Chaipica huañuimi michic shina cuidanga. Tutamanta pacarinataca allita ruhuashpa causaccunami paicunataca chaqui ucupi churashpa mandangacuna. Seolmi paicunapac causana huasica canga.

SALMOS 44:20

Ñucanchic Diospac shutita cungacpi, mana cashpaca yanga dioscunata mañashpa maquita chutacpica,

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

JEREMÍAS 3:21

Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.

SALMOS 44:17

Cai tucui llaquicunami shamushca shina cacpipish cantaca mana cungarishcanchicchu. Ñucanchicca canhuan ari nishcata mana cungarishpami causanchic.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

EZEQUIEL 22:16

Shuctac llactacunapac mana alli nishcami cangui. Shina cashpami, ñucataca Mandac Dios cashcata yachangui” ninmi ningui» nirca.