SALMOS 89:4 - Dios Rimashcata Quillcashcami

⁴ «Huiñaitami cambac huahuacunatapish mandachun churasha. Cambac jatun tiyarinapica paicunami huahua huahuacunacaman tiyaringa» nircanguimi.

SALMOS 89:4 Referans Kwoze

SALMOS 132:12

Paicuna ñucahuan ari nishcatapish, ima shina causanata ñuca yachachishcatapish pactachishpaca, huiñaitami can mandashpa tiyarinapica tiyaringa» nirca.

1 CRÓNICAS 22:10

Paimi ñucata alli nina huasitaca shayachinga. Paica ñuca churimi canga, ñucapish paipac taitami casha. Ñucami israelcunataca mandashpa, pai mandanataca huiñaita sinchi cachun ruhuasha” nirca.

1 REYES 9:5

Shina causacpica, ñucallatacmi Israel llactata mandangapac can tiyarinataca, cambac taita Davidman huillashca shinallatac sinchiyachishpa churasha. Paitaca: “Cambac huahua huahuacunamantaca israelcunata mandangapac tiyarinapi tiyaric runaca mana illangachu” nircanimi.

APOCALIPSIS 22:16

Shinallatac Jesusca: —Ñucaca Jesusmi cani. Ñucami tucui tandanacushca criccunaman huillachun ñuca angelta cacharcani. Ñucami yura retoñac shina, Davidpac aillupuramanta shamushcaca cani. Ñucaca tutamanta llucshic jagan nicuc lucero shinami cani— nirca.

ROMANOS 15:12

Cutinllatac Dios ima nishcata huillac Isaiasca: «Isaipac huahua huahuapuramantami llactacunata mandangapac jatarimunga. Chaimantami paita cushicushpa shuyacuncuna» ninmi.

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

SALMOS 89:36

Huiñaitami paipac huahua huahuacunaca causanga. Pai mandashpa tiyarinapish ñuca ñaupapica inti shinami canga.

SALMOS 89:29

Paipac huahua huahuacunataca huiñaitami mandac cachun churasha. Pai mandashpa tiyarinapish jahua pacha shinami huiñaita canga.

SALMOS 89:1

Mandac Dioslla, can llaquic cashcataca huiñaitami cantacushalla. Can nishcata pactachic cashcataca huahua huahuamanmi huillasha.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

2 SAMUEL 7:29

Cunanca, canta servic ñuca huasi ucupuracunaca cambac ñaupapi huiñaita causachun bendiciaiyari. Can Mandac Diosllatacmi shina nishcangui. Shina cashcamanta can bendiciacpica, ñuca huasi ucupurapish huiñaitami bendiciashca canga» nirca.

1 CRÓNICAS 28:4

Shina cacpipish israelcunata Mandac Diosca ñuca taitapac huasi ucupuramanta acllashpami, ñucataca huiñaita tucui causaipi Israel llactata jatun mandac cachun churarca. Shina cashcamantami Judapac aillupuramanta juez cachun acllarca. Chai aillupuramanta ñuca taitapac familiataca acllarca. Ñuca huauquicunapuramantaca ñucatami acllashpa, tucui israelcunata jatun mandac cachun churarca.

SALMOS 89:50

Jatun Dioslla, canta servicta burlashpa llaquichicucta ricuiyari. Tauca gentecuna mana alli nishpa rimashcataca ñuca shungupimi charicuni.

SALMOS 132:11

Mandac Diosca pactachishatacmi nishpami Davidhuan ari ninacushpaca: «Can mandashpa tiyarinapica cambac huahua huahuapurallatatacmi churasha.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.