1 Mandac Dioslla, can llaquic cashcataca huiñaitami cantacushalla. Can nishcata pactachic cashcataca huahua huahuamanmi huillasha.
Mandac Dioslla, can llaquic cashcamanta, allita mandac cashcamantami cantasha.
Huahua huahuacamanmi canca tucuita pactachicungui. Cai pachataca pi mana cuyuchipacta sinchitami ruhuarcangui.
Chai cuyaica cada tutamantami mushucyan. ¡Canca tucuita pactachicmi cangui!
Tucuita ruhuac Mandac Dioslla, ¿pitac can shinaca tiyanyari? ¡Canca tucuita mandacmi cangui! Cashcata nic Diosmi cangui.
Shina cacpipish, Davidta llaquinataca manatac saquishachu. Cashcata ninatapish mana saquishachu.
Mandac Dioslla, cambac llaquinaca jahua pachacamanmi. Can tucuita pactachic cashcapish jahua puyucamanmi.
shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.
¡Mandac Diosta alabaichicyari! ¡Mandac Diosca allimari, paita alabaichicyari! Paica huiñaitami llaquicun.
Jatun Dioslla, ¿utcapi llaquinaca imatac tucurca? Cashcata nic cashcamantami Davidhuan ari ninacurcangui.
Can llaquic cashcata tutamanta huillana, can cashcata nic cashcata tuta huillanaca mai sumacmi.
Ñuca shimica canta alabana rimaicunallahuan cachun. Punzhanta can sumaimana cashcata huillachun.
Ñucaca cashcata ruhuashpami paitaca llaquicushalla. Ñuca shutimantami paica poderta charinga.
Canca ñuca miticuna jatun pirca shinami cangui. Shinallatac llaqui punzhacunapi ñucata llaquicmi cangui. Tutamanta utca jatarishpami canta alabasha.
Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.
¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.
¿Can llaquic cashcataca enterrashca caccunaca parlanacungachu? ¿Abadonpi caccunapish can cashcata nic cashcataca yuyaringachu?
Zerapac churicunaca: Zimri, Etán, Hemán, Calcol, Darami carca. Tucuica pichca churicunami carca.
Paica tucui gentecunata atishpa alli yachacmi carca. Ezraitapura Etán, Hemán runacunatapish, Calcol shinallatac Darda Maholpac churicunatapish, atishpa alli yachacmi carca. Chaimantami paitaca muyundi tucui llactacunapi causaccunaca ricsirca.
Shinallatac Salomonpish, Hirammanca ishcai chunga huaranga coro trigota, ishcai chunga huaranga bato ashtahuan alli aceitetami huatanta curca.