SALMOS 87:4 - Dios Rimashcata Quillcashcami

⁴ Ñucata ricsic llactacunaca: «Rahab shinallatac Babilonia llactamantami rimasha. Filistea, Tiro shinallatac Etiopía llactacunapi causaccunapish, chaillapitacmi huacharishca» nishami.

SALMOS 87:4 Referans Kwoze

SALMOS 45:12

Tiro pueblopi causaccunami convidanacunahuan cambacman shamun. Chayuccunapish cambac ñaupapi alli ricuringapacmi convidanacunahuan shamun.

SALMOS 68:31

Egipto llactata jatun mandaccunami shamungacuna. Etiopía llactapi causaccunaca paicunapac maquitami Mandac Diospac ladoman chutanga.

SALMOS 89:10

Canmi Rahab manchana animaltaca macanacuipi chugrichic shina llaquichircangui. Canta piñaccunatapish cambac tucuita ruhuac maquihuanmi shic-huarcangui.

JOB 9:13

Diosca yallita piñarishcataca mana cungaringachu. Jatun tucushcacunata ayudaccunapish, paipac chaqui ucupimi cumurincuna.

APOCALIPSIS 18:2

Chai ángel sinchita caparishpaca: «¡Babilonia jatun puebloca tucui urmashcami! Cunanca supaicuna, millai espiritucuna, shinallatac piñana millanayai volashpa puric animalcuna causana pueblomi tucushca.

APOCALIPSIS 17:5

Frentepica pipish mana ricsishca quillcami tiyacurca. Chaipica: «¡Jatun Babilonialla! Cullquimanta huainayashpa causaccunapacpish, cai pachapi imatapish millaita ruhuaccunapacpish mamami cangui» nishcami carca.

HECHOS 8:27

Chashna nicpimi, Felipe jatarishpa rirca. Chashna ricushpami, Etiopía llactamanta eunuco runahuan tuparca. Paica Etiopía llactata jatun mandac Candace huarmipac charishcacunata cuidacmi carca. Paica Jerusalenpi Diosta alli nishpami, paipac llactaman cuticurca.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

EZEQUIEL 28:2

«Huañunalla runa, Tiro llactata mandactaca: “Mandac Diosca: Canca shungupi jatun tucushpami: ‘Ñucami dios cani. Chaimantami dioscunapac tiyarinapi tiyarishpa, mama cucha chaupipi tiyacuni’ nircangui. Canca runallami cangui. Mana dioschu cangui. Chashna cashpapish, cambac shungupi dios cashcatami yuyangui.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 19:11

Zoán llactata mandaccunaca imata mana entendiccunami. Faraonpac alli yachac runacunapish yangallatami cunashca. ¿Ima shinatac Faraonmanca: “Ñucanchicca alli yachaccunapac churicuna, ñaupa jatun mandaccunapac huahua huahuacunami canchic” ninguichic?

SALMOS 137:1

Babilonia llacta yacu ladocunapi tiyarishpami, Sión pueblota yuyarishpa huacac carcanchic.

1 SAMUEL 17:8

Goliat chashna shayarishpami tandanacushca Israel soldadocunataca: —¿Cancunaca imapactac macanacungapac allichiringuichic? Ñucaca filisteomi cani. Ashtahuanpish cancunaca Saulta serviccunallami canguichic. Ñucahuan macanacuchun cancunapuramanta shucta acllaichic.