SALMOS 86:15 - Dios Rimashcata Quillcashcami

¹⁵ Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

SALMOS 86:15 Referans Kwoze

SALMOS 130:7

Israelcunalla, Mandac Diosmi yallita llaquicca, paillami quishpichicca. Chaimanta paillata shuyaichicyari.

SALMOS 103:8

Mandac Diosca cuyac shungupish, yallita llaquicpish, shinallatac mana utca piñaricpish, yallita cuyacpish canmi.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

SALMOS 86:5

Jatun Dioslla, juchacunata perdonac cuyac Diosmi cangui. Canta mañaccunataca yallitami cuyangui.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

SALMOS 145:8

Mandac Diosca cuyac llaquic Diosmi. Yallita llaquicpish, shinallatac mana utca piñaric Diosmi can.

NEHEMÍAS 9:17

Mana uyashun nircacunachu, paicunaman can sumaimanacunata ruhuashcatapish mana yuyarircachu. Mana cazushpa sinchi tucushpami, cutin huatashca shina causangapac Egiptoman cutingapac shuc mandacta acllarcacuna. Ashtahuanpish canca yallita cuyac, llaquic, mana utca piñaric, perdonac Dios cashpami, paicunataca mana saquircangui.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

SALMOS 85:10

Cuyaihuan, cashcata ninahuanmi tupanacurca. Cashcata ruhuanahuan, cushi causaihuan muchanacurca.

SALMOS 111:4

Mandac Diosca cuyac llaquic cashpami, mana cungaripac allicunata ruhuarca.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

NÚMEROS 14:18

“Mana utca piñaric, yallita cuyacmi cani. Millaita ruhuaccunatapish, mana cazuccunapish perdonac, shina cashpapish mana allita ruhuashcataca mana saquishpa llaquichicmi cani. Taitacuna millaita ruhuashcamantaca huahuacunatami quimsaniqui, chuscuniqui miraicaman llaquichic cani” nishcanguimi.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

ÉXODO 34:6

Mandac Dios Moisespac ñaupata pasashpaca: —Mandac Diosmi cani. Mandac Diosmi cani. Ñucaca yallita llaquic, cuyac, mana utca piñaric, shinallatac cashcata ruhuacmi cani.

1 CRÓNICAS 21:13

Shina nicpimi Davidca: —Riqui, jatun llaquipimi cani. Mandac Diosca yallita cuyacmi. Paipac maquipi llaquichishca canata munani. Runacunapac maquipi llaquichishca canataca mana munanichu— nirca.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.