SALMOS 86:1 - Dios Rimashcata Quillcashcami

¹ Mandac Dioslla, ñucaca imapish illac, llaquillami cani. Chaimanta ñuca mañashcata cambac ringrihuan uyaiyari.

SALMOS 86:1 Referans Kwoze

SALMOS 31:2

Cambac ringrihuan uyashpa, llaquimantaca utca llucchiyari. Ñuca jarcarina jatun rumi caiyari. Muyundi jatun pirca shina quishpichiyari.

SALMOS 40:17

Ñuca ima illaclla huaccha cacpipish, Mandac Diosca yuyaringami. Mandac Dioslla, ñucata ayudac, ñucata quishpichicmi cangui. ¡Mandac Dioslla, ama unayaichu!

DANIEL 9:18

Mandac Dioslla, cambac ringrihuan ñuca mañashcata uyaiyari. Cambac ñahuihuan ñucanchic causanatapish, cambac shutita mañana pueblotapish ricuiyari. Ñucanchicca mana cashcata ruhuac cashcamantachu, chashna cutinpish, cutinpish mañacunchic, ashtahuanpish can yallita llaquic cashcamantami chashna mañacunchic.

SAN MATEO 5:3

«Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

SALMOS 34:6

Cai huaccha runa caparishpa mañacpica, Mandac Diosca uyashpami tucui llaquicunamanta llucchirca.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ISAÍAS 37:17

Mandac Dioslla, cambac ringrihuan uyaiyari. Mandac Dioslla, cambac ñahuita pascashpa ricuiyari. Senaquerib causac Diosta camishpa rimachun cachashcata uyaiyari.

SALMOS 142:1

Mandac Diostaca caparishpami mañasha. Ñucata llaquichunmi Mandac Diostaca caparishpa mañasha.

SALMOS 140:12

Mandac Dios huacchacunata cuidac cashcatapish, cashcata ruhuac cashcatapish yachanimi.

SALMOS 119:22

Ñucaca ima shina causachun can yachachishcacunatami cazurcani. Chaimanta pita mana valichishpa, yangapi churashpa rimana yuyaita ñucamanta anchuchiyari.

SALMOS 102:17

Imatapish mana ruhuai pudic gentecuna mañashcataca uyangami. Paicuna yallita mañacushcataca mana yangapi saquishpa chasquingami.

SALMOS 17:6

Dioslla, uyaiyari. Can uyaclla cacpimi mañani. Cambac ringrihuan ñuca mañashca shimicunata uyaiyari.

SALMOS 102:1

Mandac Dioslla, ñuca mañashcata uyaiyari. Ñuca caparishpa mañashcaca canman uyarishca cachun.

SALMOS 10:14

Pai yallita llaquichicuctaca canllatacmi ricucungui. Paicuna imata ruhuashca shinallatacmi llaquichingui. Imata mana ruhuai pudiccunaca cambac maquimanmi cuchuyan. Canca taita mama illaccunata ayudacmi cangui.

SALMOS 25:16

Ñucaca shitashca llaquillami cani. Mandac Dioslla, ñucata ricushpa llaquiyari.