SALMOS 85:5 - Dios Rimashcata Quillcashcami

⁵ ¿Ñucanchic-huanca huiñaitachu piñashca cagringui? ¿Ñucanchic huahua huahuacunahuanpish piñarishcachu cagringui?

SALMOS 85:5 Referans Kwoze

SALMOS 79:5

Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?

SALMOS 80:4

Tucuita Mandac Dioslla, ¿ima horascamantac can acllashcacuna mañashcataca piñarishpa mana uyagringuiyari?

SALMOS 74:1

Dioslla, ¿imamantatac ñucanchictaca huiñaita cungaringuiyari? ¿Ima nishpatac cambac michina pambacunapi cac ovejacunahuanca nina japiric shina piñaringuiyari?

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

SALMOS 89:46

Mandac Dioslla, ¿ima horascamantac caruyashpa ñahuita pacagringui? ¿Huiñaitachu ñucanchic-huanca nina japiric shina piñarigringui?

SALMOS 77:9

¿Dios ñucanchicta llaquinataca cungarishcachu canga? ¿Piñarishpachu llaquina yuyaita chingachishca canga?» nishpami yuyani.

DEUTERONOMIO 29:27

Chaimantami Mandac Diosca chai llactapi causaccunahuan nina japiric shina piñarishpa, cai libropi sinchita nicushca shina, llaquicunahuan llaquichishca.

SALMOS 60:3

Can acllashcacunataca yallitami llaquichishcangui. Machachic vinotami ubiachishcangui.

MIQUEAS 7:7

Ashtahuanpish ñucaca Mandac Diospac maquipimi casha. Ñucata quishpichic Diostami shuyasha. ¡Ñucata Mandac Diosca ñuca mañashcataca uyangami!