SALMOS 85:12 - Dios Rimashcata Quillcashcami

¹² Mandac Diosmi, ñucanchic allpacunamanca allicunata cunga. Chaimantaca alli granotami pucunga.

SALMOS 85:12 Referans Kwoze

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 67:6

Allpapica granomi pucunga. Ñucanchic Diosmi bendicianga.

LEVÍTICO 26:4

tamyana punzhacunapimi tamyachisha. Chashna tamyachicpica, allpapica alli granomi pucunga. Yuracunapish sumac micunatami pucunga.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

EFESIOS 1:3

Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

HECHOS 21:20

Chashna parlacta uyashpaca, Diosta “allimari cangui” nishpami: —Huauqui, riquiyari, huaranga huaranga israelcunami Jesustaca crishca. Tucui chaicunami: “Moisés mandashcacunataca cazunami canchic” nicuncuna.

SAN MATEO 13:23

Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

SALMOS 72:16

Pambacunapipish, jahua urcucunapipish grano tiyachun. Chai muyupish Líbano urcu yuracuna shina tucuchun. Pueblopi causaccunapish quihua sumacta sisac shina cachun.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

SAN MATEO 13:8

Ashtahuanpish maijan muyuca alli allpapimi urmarca. Chaimantami allita pucushpa, maijanca shucmanta pasacta, maijanca sucta chungata, maijanca quimsa chungata pucurca.

ISAÍAS 32:15

Jahua pachamanta Espirituta ñucanchic jahuaman cachangacaman, shitashca pambacuna alli pucuc allpa tucungacaman, shinallatac pucuc allpa, sacha allpa tucungacamanmi chashnaca canga.

LEVÍTICO 25:19

Chai llactapica allpapish sumaimana granotami pucunga. Shina pucucpica, huicsa pacta micushpami, mana manchashpa causanguichic.

ISAÍAS 45:8

Jahua pacha, jahuamanta tamyata cachac shina, cashcata ruhuana yuyaita cachaiyari. Puyupish tamyata cachac shina, cashcata ruhuana yuyaita cachaiyari. Allpapish quishpirina tiyachun, cashcata ruhuana yuyai tiyachun pascariyari. Mandac Dios ñucami chaicunataca ruhuarcani.