SALMOS 84:6 - Dios Rimashcata Quillcashcami

⁶ Huacana pugru pambata pasashpaca, achca yacu llucshicuc pambatami ruhuancuna. Utca shamuc tamyapish yacu tiyarictami tamyan.

SALMOS 84:6 Referans Kwoze

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

JOEL 2:23

Sionpi causaccunalla, cancunaca Mandac Dios-huan cushicuichicyari. Paica punta tamyataca, tamyana punzhallapitacmi cacharca. Punta tamyatapish, pucuchic quipa tamyatapish utca punzhacunapi shinallatacmi cachanga.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

ROMANOS 8:37

Tucui chai llaquicunapica Cristo cuyacpimi, imatapish mishaccunalla canchic.

SALMOS 68:9

Dioslla, achca tamyatami cacharcangui. Chashna cachashpami cambac chaquishca allpatapish nuyuchircangui.

HECHOS 14:22

Chaiman chayashpaca, chaipi causac criccunata tucui shunguhuan Jesusta crichunmi cunarca. Shinallatac: «Tucuilaya llaquicunata apashpami, Dios mandacucmanca yaicuna canchic» nircami.

1 CRÓNICAS 16:11

Mandac Diosman cuchuyaichic. Paipac poderta mashcaichic. Paipac ñahuita punzhanta, mashcaichicyari.