SALMOS 83:8 - Dios Rimashcata Quillcashcami

⁸ Asiria llactapi causaccunapish paicunahuanmi tandanacushca. Tucui paicunami Lotpac huahuacunataca rigra shina ayudashcacuna.

SALMOS 83:8 Referans Kwoze

DEUTERONOMIO 2:9

Chaipimi Mandac Diosca: “Moabpi causaccunataca ama piñachinguichicchu, ama macanacunguichicchu. Chai llactataca ashallatapish mana cushachu. Ashtahuanpish Ar allpataca Lotpac churicunamanmi cusha” nirca.

ISAÍAS 33:2

Mandac Dioslla, ñucanchicta llaquiyari. Canllatami shuyacunchic. Tutamanta cambac rigrahuan ayudaiyari. Ñucanchic jatun llaquipi cacpipish quishpichiyari.

2 REYES 15:19

Chai punzhacunami Asiria llactata jatun mandac Pulca Israel llactahuan macanacungapac shamurca. Chaimantami Manahemca pai mandanata sinchiyachingapac jatun mandac Pulman shuc huaranga talento cullquita curca.

GÉNESIS 25:3

Jocsanca Seba, Dedán churicunatami charirca. Dedanca Asurim, Letusim, Leumim churicunatami charirca.

GÉNESIS 10:11

Cai llactamantaca Asiria llactaman rishpami, Nínive, Rehobot, Cala llactacunata shayachirca.

EZEQUIEL 27:9

Barco dañarishcata allichiccunaca Gebalmanta alli yachac, yuyac runacunami carca. Barcocunapish, barcota purichiccunapish randingapac, catungapacmi shamurca.