SALMOS 83:2 - Dios Rimashcata Quillcashcami

² Riqui, canta piñaccunaca león shinami caparicuna. Canta mana ricunayachiccunaca sinchiyashcacunami.

SALMOS 83:2 Referans Kwoze

SALMOS 81:15

Mandac Diosta mana ricunayachiccunaca paita cazushpami causanman carca. Paicunapac causaica huiñaitami alli canman carca.

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta japishpa, maquita jahuashpaca: —Cai runata huañuchishpaca mana ñucachu juchayuc casha, ashtahuanpish cancunami juchayuc canguichic— nirca.

JEREMÍAS 1:19

Canhuan macanacushpapish cantaca manatac mishangachu. Canta quishpichingapacca ñucami canhuanca casha. Chaitaca Mandac Dios ñucami nini» nirca.

ISAÍAS 17:12

¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

JUECES 8:28

Shinami madianitacunaca israelcunapac maquipi urmashpa mana ashtahuan jatarirca. Shina cacpimi chai llactapica chuscu chunga huatata Gedeón causacui punzhacunapi cushi causai tiyarca.

HECHOS 23:10

Tucui gentecuna yallita bullai callaricpimi, huaranga soldadocunata mandacca Pablota llaquichinata manchashpa, soldadocunata cayac cacharca. Paicunami Pablotaca cuartelman aparca.

HECHOS 22:22

Pablo chaita ningacamanllami uyarcacuna. Quipata piñarishpaca: “¡Cai runaca mana causanachu can, ashtahuanpish huañunami can!” nishpa caparirca.

HECHOS 21:30

Tucui Jerusalenpi causaccunami Diosta mañana huasiman bullashpa yaicurca. Chashnami Pablota japishpa pambata aisashpa, ucumanta llucchishpa pungucunata huichcarca.

HECHOS 17:5

Chaimantami Jesusta mana cric israelcunaca piñarishpa, millai runacunata, quilla runacunata tandachishpa, chai pueblopi yalli bullata ruhuarca. Chashnami Pablota, Silasta Jasonpac huasimanta llucchishpa, gentecunapac ñaupapi juchanchinata munarca.

HECHOS 16:22

Chaimantami tucui gentecunaca Pablotapish, Silastapish piñai callarirca. Shinami mandaccunaca Pablotapish, Silastapish churanata llucchishpa, caspicunahuan macachun mandarca.

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

SALMOS 93:3

Mandac Dioslla, jatun yacucunapish jatarinmi. Manchanayaitami huaj nishpa jatarin.

SALMOS 74:23

Canta piñaccuna caparicuctaca ama cungarichu. Huaicashpa canman uyarictami camincuna.

SALMOS 74:4

Canta piñaccunaca cambac tandanacuna huasi ucupimi mishashpa caparincuna. Paicuna japishcata ricuchic banderatami churarcacuna.

2 REYES 19:28

Canca, ñucahuan piñarishpami, ñuca ringriman uyaricta, jatun tucushpa rimarircangui. Cunanca argollata singapi churashpa, frenota shimipi churashpami cantaca maita shamushcallatatac cutichishpa cachasha’ nirca.

SALMOS 109:1

Ñuca alli nina Dioslla, ama upalla saquirichu.