SALMOS 81:7 - Dios Rimashcata Quillcashcami

⁷ Llaquipi cashpa ñucata caparicpica quishpichircanimi. Tulun nicuc chaupimantami cutichircani. Meriba yacu ladopimi cancuna ima shina cashcata yacharcani.

SALMOS 81:7 Referans Kwoze

ÉXODO 19:19

Cornetapi tocashcaca ashtahuan sinchitami uyarishpa catirca. Moisés Dios-huan parlacpica, relampa tulun nicuc shinami, rimashpa cutichirca.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

NÚMEROS 20:13

Chaipi israelcuna Mandac Dios-huan piñanacushcamantami chai yacutaca Meriba yacu nirca. Chaipimi Mandac Diosca paicunapurapica jucha illac cashcata ricuchirca.

ÉXODO 2:23

Tauca huatacuna quipami Egipto llactata jatun mandacca huañurca. Israelcunaca sinchi ruhuaicunapi cashpami, caparishpa Diosta mañarca. Chashna caparishpa mañashcataca Diosca uyarcami.

ÉXODO 14:10

Jatun mandac Faraón ña cuchuyacucpimi, israelcunaca huichailla ricushpa, Egipto runacuna caticucta ricurca. Chaimantami mancharishpa Mandac Diosta caparishpa,

ÉXODO 14:24

Tutamanta ña pacaricucpimi, Mandac Diosca Egipto runacunataca suni nina puyumanta ricushpa, tucuita muspachirca.

DEUTERONOMIO 33:8

Levimanta nishpaca: «Mandac Dioslla, Tumimtapish, Urimtapish canta alli cazuc Leviman cuiyari. Pai ima shina cactaca Masá nishca Meriba yacupimi ricurcangui.

NÚMEROS 20:24

«Aaronca huañushpa ñaupa aillucunahuan tandarigrinmi. Paica israelcunaman ñuca cushca llactamanca mana yaicungachu. Meriba yacupi ñuca mandashcata mana cazushcamantami chai llactamanca mana yaicunga.

ÉXODO 6:6

Chaimanta israelcunataca: “Ñucami Mandac Dios cani. Ñucami Egiptomanta, shinallatac chaipi llaquita trabajacushcamanta llucchisha. Egipto gentecuna llaquichishpa charicushcamanta maquita alzashpa, mancharinacunata ricuchishpa llucchisha.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

DEUTERONOMIO 5:6

“Ñucaca, cancuna Egipto llactapi huatashca shina causacushcamanta llucchic Mandac Diosmi cani.

JEREMÍAS 16:14

Cutinllatac Mandac Diosca: «Pipish: “Israelcunata Egiptomanta llucchimuc Mandac Diospac shutipi” mana ari nina, punzhacunami chayamunga.