SALMOS 81:3 - Dios Rimashcata Quillcashcami

³ Llullu quilla punzhacunapipish, entero quilla punzhacunapipish cornetapi tocaichic. Chai punzhacunaca yallita cushicuna punzhacunami.

SALMOS 81:3 Referans Kwoze

2 CRÓNICAS 2:4

Riqui, ñucaca, ñucata Mandac Diosmanmi shuc huasita shayachinata yuyarircani. Chai huasipimi mishquilla inciensota paipac ñaupapi rupachisha nini. Paipaclla chicanyachishca tandatapish, punzhanta tutamantapish, chishipish Diosman cushpa rupachingapac, samana punzhacunapi, llullu quilla punzhacunapi Diosman cushpa huañuchingapac, shinallatac ñucanchicta Mandac Diosta yuyarishpa shuc jatun fiestata ruhuangapacmi shayachisha nini. Caicunatami israelcunapac huahua huahuacunaca huiñaita ruhuacungalla.

NÚMEROS 15:3

ñucaman mishquilla ashnachun vacatapish, ovejatapish cushpa, tucuita rupachishpa, mana cashpaca cushami nishcamanta cushpa, mana cashpaca quiquin munaimanta cushpa, mana cashpaca fiesta punzhapi cushpaca,

2 CRÓNICAS 13:14

Judá llacta soldadocuna tigrarishpa ricushpaca huashatapish, ñaupatapish macanacungapac shamuctami ricurca. Chaimantami paicunaca Mandac Diosta sinchita mañarcacuna. Curacunapish sinchitami trompetapi tocarcacuna.

2 CRÓNICAS 13:12

Riqui, Mandac Diosca ñucanchic-huanmi. Paimi ñucanchicta mandacun. Paipac curacunapish cancunahuan macanacugrichunmi, trompetapi sinchita tocangapac ñucanchic-huan shayacun. Chaimanta israelcunalla, cancunapac ñaupa taitacunata Mandac Dios-huan ama cariyaichicchu. Paitaca, ¿maitatac mishai pudinguichicyari?» nirca.

2 CRÓNICAS 5:12

Shinallatac cantac levitacuna, Asaf, Hemán, Jedutún runacunaca paicunapac churicunahuan, familiacunahuanmi altar ñaupapi inti llucshina ladoman alli lino churanacunata churarishca platillocunahuan, salteriocunahuan arpacunahuan shayacurca. Paicunahuanca patsac ishcai chunga curacunami trompetacunapi tocashpa shayacurca.

1 CRÓNICAS 16:42

Paicunahuanca Hemán, Jedutún runacunatami trompetapi, platillopi shuc tocanacunapipish tocashpa Diosta alli nichun saquirca. Jedutunpac churicunataca Diospac carpa huasi punguta cuidachunmi saquirca.

1 CRÓNICAS 16:6

Shinallatac Benaía, Jahaziel curacunapish Dios ari nishca quillcata huacaichina Arca ñaupapimi punzhanta trompetapi tocaccuna carca.

1 CRÓNICAS 15:24

Sebanías, Josafat, Natanael, Amasai, Zacarías, Benaía, shinallatac Eliezer curacunaca Diospac Arca ñaupapimi trompetacunapi tocarcacuna. Shinallatac Obed-edom, Jehiaspish Diospac Arcata cuidaccunami carca.

2 REYES 4:23

Shina nicpimi, paipac cusaca: —Cunanca, mana llullu quillapish, mana samana punzhapish canchu. ¿Imapactac paita ricungapac rigringui?— nirca. Shina nicpi, chai huarmica: —Chaimanta ama mancharichu— nirca.

DEUTERONOMIO 16:15

Mandac Dios acllashca pushtupi Mandac Diosman canchis punzhacaman fiestata ruhuanguichic. Mandac Diosca tucui cancunapac granota, tucui cancunapac maquihuan ruhuashcatami bendiciashca. Chaimanta yallitami cushicunguichic.

NÚMEROS 28:11

Cada quilla callaripi ima mana tucushca ishcai becita, shuc cari ovejata, shuc huatayuc canchis cari ovejata tucui rupachinguichic.

COLOSENSES 2:16

Chaimanta cancunataca imata micushcamanta, ubiashcamanta, mana cashpaca fiesta punzhacunapi, llullu quilla punzhacunapi, samana punzhacunapi imata ruhuacushcamanta ama pi juchanchichun.

NAHÚM 1:15

¡Riquichic, sumac causaimanta alli huillaita huillacmi, jahua urcucunata shamucun! ¡Judá llactalla, canca fiestacunata ruhuailla. Can imatapish Diosman cusha nishcataca cuilla. Millaita ruhuaccunaca mana ashtahuan llaquichingachu, chaica ñami tucui chingarirca!

LAMENTACIONES 2:6

Paipaclla carpa huasitapish huerta chaupipi cac chucllata shinami tucuchishpami, tandanacuna huasitapish tucuchirca. Mandac Diosllatacmi Sionpac jatun fiestacunatapish, samana punzhacunatapish cungachirca. Nina japiric shina piñarishpami jatun mandactapish, curatapish llucchishpa cacharca.

SALMOS 98:6

Trompetacunapi, bocinapi tocashpa, jatun Mandac Diospac ñaupapi caparishpa cantaichicyari.

2 CRÓNICAS 8:13

Moisés mandashca shinami imata cuna cashpapish, chai punzha cuchunmi chashna ruhuarca. Samana punzhacunapi, llullu quilla punzhacunapi, jatun fiesta punzhacunapimi huatapi quimsa cutin rupachina carca. Cai fiestacunaca levadura illac tandata micuna punzhacuna, semana fiestacuna, chucllacunata ruhuana fiesta punzhacunami carca.

1 CRÓNICAS 15:16

Shinallatac Davidca levitacunata mandaccunataca: “Salteriopi, arpapi, platillocunapi sinchita tocashpa cantashpa richun cancunapac aillucunata acllaichic” nirca.

1 CRÓNICAS 15:19

Cantac Hemán, Asaf, shinallatac Etanca bronce platillocunapimi tocarca.

1 CRÓNICAS 25:1

Shinallatac Davidpish, soldadocunata mandaccunapish, Asafpac, Hemanpac, Jedutunpac huahua huahuacunataca Diosta servichunmi chicanyachirca. Paicunataca arpapi, salteriopi, platillopi tocashpa, Dios ima nishcata huillachunmi churarca. Diosta servingapac quillcarishca allita entendic runacunaca:

SALMOS 33:2

Mandac Diostaca arpapi tocashpa pagui nichicyari. Chunga cuerdayuc tocanacunapi tocashpa cantaichicyari.

SALMOS 149:3

Paipac shutitaca danzashpa alabaichicyari. Paitaca panderopi, arpapi tocashpa cantaichicyari.