SALMOS 81:10 - Dios Rimashcata Quillcashcami

¹⁰ Ñucami cancunata Mandac Diosca cani. Ñucami cancunataca Egiptomanta llucchimurcani. Cancunapac shimita pascashpa, ñucata mañanguichiclla, ñucaca carashallami.

SALMOS 81:10 Referans Kwoze

SAN JUAN 15:7

Ñucahuan shuc shina cashpa, yachachishcacunatapish cazushpaca mañaichiclla. Tucui mañashcatami Taitaca cunga.

SALMOS 107:9

Paica yacunayaihuan caccunamanca mana nictami ubiachin. Yarcaihuan caccunamanca micunataca achcatami caran.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

SAN JUAN 7:37

Fiesta tucuri jatun punzhapi Jesús jatarishpa sinchita rimashpaca: —Maijanpish yacunayachicca ñucapacman shamushpa, yacuta ubiaichic.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

SAN JUAN 16:23

Chai punzhacunapica ña mana ashtahuan imata tapunguichicchu. Ñuca shutipi ñuca Taitaman mañacpica paica cungami. Chaica chashnatacmi canga.

JEREMÍAS 11:4

Cai rimashcataca cancunapac ñaupa taitacunata Egiptomanta llucchimui punzhami mandarcani. Paicuna fierrota yacuyachina hornopi shina causacucpi, chaimanta llucchimushpami: Ñuca rimashcata uyashpa, ñuca mandashca shina causaichic. Shina causashpaca, ñuca acllashcacunami canguichic. Ñucapish cancunapac Diosmi casha.

ÉXODO 20:3

Ñuca ñaupapica ama shuctac dioscunata charinguichu.

DEUTERONOMIO 5:7

Ñucapac ñaupapi ama shuctac dioscunata charinguichu.

JOSUÉ 24:14

Shinallatac Josueca: «Cancunaca Mandac Diosta manchaichic, ima mana allitapish ama ruhuanguichicchu. Tucui munaihuan paita servishpa causanguichic. Cancunapac chaupimanta, cancunapac ñaupa taitacuna jatun yacu chimba ladopi causashpa servishca dioscunata, Egiptopi causashpa servishca dioscunata anchuchinguichic. Shina anchuchishpami, Mandac Diosta servishpa causana canguichic.

JOSUÉ 24:23

Shina nicpimi Josueca: —Shina cashpaca cunanca, cancunapac chaupimanta shuctac dioscunata anchuchishpa, israelcunata Mandac Diosllata tucui shunguhuan manchashpa causaichic— nirca.

OSEAS 8:3

Israelcunaca alli ruhuanataca saquircami. Chaimantami paicunata piñaccuna catishpa llaquichinga.