5 Huiquitami micunata shina carashcangui. Huiquitami yacuta shina yallita ubiachishcangui.
Mandac Dios micunata carac shina llaquichishpapish, yacuta ubiachic shina huacachishpapish allipacmi ruhuashca. Chashna llaquichishpapish cancunata yachachiccunataca jaicapi mana ashtahuan anchuchingachu. Chaipac randica, cancunapac ñahuihuantacmi yachachiccunataca ricunguichic.
Tutapish, punzhapish huacashpami huiquillata micucuni. Punzhantami ñucataca: «¿Maipitac cambac Diosca?» nishpa llaquichincuna.
Chaimantami tandata shina uchupata micurcani. Ñuca ubianataca huiquihuanmi chapuni.
Ñuca mana munashcacunatami cunanca micucuni.
Dioslla, ¿imamantatac ñucanchictaca huiñaita cungaringuiyari? ¿Ima nishpatac cambac michina pambacunapi cac ovejacunahuanca nina japiric shina piñaringuiyari?
Mandac Dioslla, ¿ima horascamantac piñashca cangui? ¿Huiñaitachu ñucanchic-huanca piñashca cagringui? ¿Can piñarishcaca mana huañuc nina shinachu?
Yallita piñarishpami, ñucanchictaca catircangui. Mana llaquishpami huañuchircangui.
Ñucanchic mañashcata mana uyangapacmi puyuhuan taparircangui.