SALMOS 8:4 - Dios Rimashcata Quillcashcami

⁴ Chaita ricushpami ñucaca: «¿Runataca ima cacpitac yuyaringui? ¿Ima cacpitac huañuclla runataca ricungapac shamungui?» nirca.

SALMOS 8:4 Referans Kwoze

SALMOS 144:3

Mandac Dioslla, ¿runa ima cacpitac yuyaringuiyari? ¿Imamantatac huañuclla runataca valic cashcata shina charinguiyari?

JOB 7:17

¿Runataca ima cacpitac jatunyachinguiyari? ¿Imamantatac paipi shunguta churanguiyari?

SALMOS 146:3

Mandaccunapipish, huañuclla runapipish ama shunguta churaichicchu. Paicunaca mana quishpichi pudinchu.

2 CRÓNICAS 6:18

Ashtahuanpish Mandac Diosca, ¿cai pachapi causaccunahuan causangachu? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. ¡Ñuca shayachishca cai huasicarin maitatac pactangayari!

SAN LUCAS 1:68

«Israelcunata Mandac Diosca alli nishca cachun. Paimi pai acllashcacunata quishpichingapac shamushca.

SAN MATEO 8:20

Chashna nicpimi Jesusca: —Atuccunapish machaita charinmi. Volac animalcunapish cuzhata charinmi. Ashtahuanpish Runa Tucungapac shamushca ñucaca, maipi umata samachinallatapish mana charinichu— nirca.

SALMOS 80:17

Cambac maquitaca cambac alli ladopi cac runapac jahuapi churaiyari. Cambaclla cachun sinchiyachishca huañuclla runapac jahuapi churaiyari.

JOB 25:6

Chaihuan ricucpica runacarin yanga curu shinallami. Huañuclla aichayuc runaca cuica shinallami» nirca.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

SALMOS 106:4

Mandac Dioslla, can acllashcacunaman allita ruhuashca shinallatac ñucatapish yuyariyari. Ñucata quishpichingapac shamuiyari.

GÉNESIS 21:1

Mandac Diosca pai nishca shinami Sarataca ricuc shamurca. Pai imata ruhuasha nishca shinallatacmi Saramanca pactachirca.

ISAÍAS 40:17

Paipac ñaupapica tucui llactacunaca mana tiyashca shinami. Paihuanca imahuan mana chimbapuraichu.

SAN LUCAS 19:44

Cai pueblota urmachishpa, caipi causaccunatapish tucuchingami. Shuc rumillapish pircashcaca mana saquiringachu. Dios quishpichingapac shamucpi, mana chasquishcamantami llaquita apanguichic” nirca.

EZEQUIEL 8:15

Chaipimi ñucataca: «Huañunalla runa, ¿manachu caitaca ricungui? Cai ricushcamanta ashtahuan yalli millaita ruhuashcacunatami ricungui» nirca.

SALMOS 4:2

Huañuclla runacunalla, ¿ima horascamantac imapish yanga llulla dioscunata mashcashpa, ñucata yangapi churanguichiclla? ¿Maicamantac yanga causaillata, llullanallata mashcanguichic?

ÉXODO 4:31

Chai huillashcata uyashpaca, paicuna llaquita apacucta ricushpa, ayudangapac shamushcata yachashpami, israelcunaca crircacuna. Chaimantami Mandac Diostaca cumurishpa, allimari cangui nircacuna.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

GÉNESIS 1:1

Imapish manarac tiyacpimi, Diosca jahua pachatapish, cai pachatapish ruhuarca.

GÉNESIS 1:14

Chai quipami Diosca: «Punzhacunapish, huatacunapish tiyashcata yachangapac tutahuan punzhahuan chicanyachic achicyachiccuna tiyachun.

GÉNESIS 19:35

Chai tutaca cutinllatacmi taitaman vinota ubiachishpa, quipa ushica taitahuan sueñurca. Ashtahuanpish taitaca ima horas siririshcatapish, ima horas jatarishcatapish mana yacharcachu.

SALMOS 19:2

Shuc punzhaca caishuc punzhamanmi huillan. Shuc tutaca caishuc tutatami yachachin.

SALMOS 96:5

Shuctac gentecunapac dioscunaca yangalla dioscunami. Ashtahuanpish Mandac Diosmi jahua pachataca ruhuarca.

SALMOS 136:5

Alli yuyaihuan jahua pachata ruhuac Diostaca alabaichicyari. ¡Paica huiñaita llaquicmi!

SALMOS 136:9

Quillata, lucerocunata tuta achicyachichun churac Diosta alabaichicyari. ¡Paica huiñaita llaquicmi!