SALMOS 8:3 - Dios Rimashcata Quillcashcami

³ Jahua pachata ricushpaca quillatapish, lucerocunatapish cambac maquihuan ruhuashcatami ricuni.

SALMOS 8:3 Referans Kwoze

GÉNESIS 1:1

Imapish manarac tiyacpimi, Diosca jahua pachatapish, cai pachatapish ruhuarca.

SALMOS 33:6

Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.

SALMOS 111:2

Mandac Dios ruhuashcacunaca jatunmi. Chashna allita ruhuachun munaccunaca paitami mashcan.

SALMOS 104:19

Quillataca ima quillacuna cashcata ricuchunmi churashcangui. Intitaca ima horas tigranata yachachunmi churashcangui.

SALMOS 89:11

Jahua pachapish, cai pachapish cambacmi. Canmi cai pachapi imalla tiyaccunatapish ruhuarcangui.

ROMANOS 1:20

Cai pacha callarimanta pachami, Diosta mana ricushpapish, pai ruhuashcacunata ricushpaca, paica poderyuc cashcata, Diosllatac cashcata yachancuna. Chaimanta chai runacunaca: “Mana ricsishcanichu” mana ni pudincunachu.

SAN LUCAS 11:20

Ashtahuanpish ñucaca Diospac poderhuanmi supaicunata llucchishpa cachani. Chashna ruhuashpaca, cancunapurapi Dios mandai callarishcatami ricuchicuni.

ÉXODO 8:19

Chaimantami brujocunaca Faraontaca: —¡Caicunaca Dios ruhuashcami!— nirca. Shina nicpipish, Faraonca Mandac Dios nishca shinallatacmi sinchi shungu tucushpa, mana cazurca.

JOB 22:12

Diosca jahua pachamanta ashtahuan jahua pachapimi tiyacun. Lucerocunapish paimanta urapimi cancuna. Chaitaca ricuiyari.

DEUTERONOMIO 4:19

Pacta jahua cielota ricushpa, intita, quillata, lucerocunata, tucui jahua cielopi tiyashcata ricushpa cungurishpa adoranguichicman. Chaicunataca Mandac Diosmi tucui cai pachata achicyachichun ruhuarca.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

SALMOS 148:3

¡Intipish, quillapish alabaichicyari! ¡Achic nicuc lucerocunapish alabaichicyari!

SALMOS 19:1

Jahua pachaca Dios sumaimana cashcatami huillan. Chaipi tiyashcacunaca paipac maquihuan ruhuashcatami ricuchin.

JOB 25:5

Quillapish Diospac ñaupapica, mana achic nicunchu. Lucerocunapish mana mapa illacchu can.

JOB 25:3

¿Pitac paipac soldadocunataca yupai pudingayari? ¿Paipac achicca pitatac mana achicyachin?

JOB 36:24

Pai imata ruhuashcamanta paita jatunyachinataca ama cungaringuichu. Chai ruhuashcataca tucui gentecunami alli nincuna.