SALMOS 78:5 - Dios Rimashcata Quillcashcami

⁵ Diosmi Jacobopac huahuacunamanca ima shina causanata yachachishpa, israelcunamanca mandashcata curca. Chaicunataca ñaupa taitacunamanmi paicunapac huahuacunamanpish, ñucanchicmanpish yachachichun mandarca.

SALMOS 78:5 Referans Kwoze

DEUTERONOMIO 6:7

Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

SALMOS 81:5

Cai ima shina causanata yachachinataca Josepac huahuacuna Egiptomanta llucshimucpimi, paicunahuan callarirca. Ñuca mana yachashca rimaipi uyarishpaca:

DEUTERONOMIO 4:45

Egipto llactamanta israelcuna llucshishca quipa Moisés paicunaman huillashca mandashcacuna, pactachinacuna, ima shina causanata yachachishcacunaca caicunami.

ISAÍAS 38:19

¡Maijanpish causacushparacmi cunan ñuca canta pagui nic shina, pagui ninga! Shuc taitaca causacushparacmi can pactachinataca paipac huahuacunaman huillanga.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

DEUTERONOMIO 11:19

Caicunataca huasipipish, ñanta purishpapish, samarishpapish, jatarishpapish cancunapac churicunaman yachachinguichic.

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

ROMANOS 3:2

Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

SALMOS 147:19

Paimi Jacobopac huahuacunaman pai rimashcataca huillarca. Israelcunamanca mandashcacunatapish, pactachichun cushca shimicunatapish curcami.

SALMOS 19:7

Mandac Dios mandashcacunaca cashcata ruhuac cashpami almatapish mushucyachin. Mandac Dios yachachishca shimicunaca imatapish pactachic cashpami, yanga runacunatapish allita yachachin.

ÉXODO 40:3

Ñucahuan tupana huasipica ari nishca quillcata huacaichina Arcataca pañohuan catangui.

ÉXODO 25:21

Arcataca tapahuan tapashpa, ucupica ñuca mandashca quillcata churangui. Chai mandashcataca ñucami cusha.

SALMOS 119:152

Ima shina causanata can yachachishcataca ña unaitami yachani. Chaitaca huiñaipacmi churarcangui.

ÉXODO 25:16

Chai Arcapica ñuca mandashca quillcata churangui. Chaitaca ñucami cusha.

ÉXODO 40:20

Chai quipami ari nishca quillcata japishpa Arca ucupi churarca. Huanduna varacunatapish, Arca tapatapish churarcami.

ÉXODO 12:27

“Mandac Dios Egipto runacunata huañuchicushpaca, israelcunapac huasicunamanca mana yaicushpami pasarcalla. Shina mana huañuchishpa, ñucanchicta quishpichishcamantami Pascua fiestata ruhuanchic” ninguichic— nirca. Cai nishcacunata yuyarishpami, israelcunaca Mandac Diosta allimari cangui nishpa cumurirca.

DEUTERONOMIO 31:13

Paicunapac huahua huahuacunapish cai mandashcacunata manarac ricsishca cashpapish yachacushpaca, Mandac Diosta manchangami. Chashna yachacushpami Jordán yacuta pasashpa, chai llactapi yaicushpaca, Mandac Diosta tucui causaipi manchashpa causanga» nirca.

DEUTERONOMIO 32:46

«Cunan ñuca rimashcataca tucui shunguhuan yuyarashpa pactachinguichic. Mandashcacunata quillcashca libropi tucui ima nicushcata huahuacunapish uyashpa cazuchunmi, chashna ruhuana canguichic.