SALMOS 78:4 - Dios Rimashcata Quillcashcami

⁴ Paicunapac huahuacunapac ñaupapica mana upalla saquirinachu canchic. Mandac Diosta alabana cashcatapish, pai sumaimanacunata ruhuashcatapish quipa huahua huahuacunaman parlanami canchic.

SALMOS 78:4 Referans Kwoze

DEUTERONOMIO 11:19

Caicunataca huasipipish, ñanta purishpapish, samarishpapish, jatarishpapish cancunapac churicunaman yachachinguichic.

JOEL 1:3

Caicunataca cancunapac huahuacunamanmi huillana canguichic. Paicunapish paicunapac huahuacunaman huillachun. Chai huahuacunapish, paicunapac huahua huahuacunaman huillachun.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 6:7

Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.

SALMOS 9:14

Chashna ruhuacpimi, Sión pungupi canta alabana cashcata tucuiman huillashpa, can quishpichic cashcamantaca yallita cushicusha.

SALMOS 26:7

Chashna rishpami canta pagui nishpa cantasha. Cambac sumac ruhuashcacunatami huillasha.

JOB 15:18

Alli yachaccuna, paicunapac ñaupa taitacunamanta yachacushpa, mana pacashpa ñucanchicman yachachishcatami huillasha.

ÉXODO 13:14

Quipa punzhapi cancunapac huahuacuna: “¿Imatac caica?” nishpa tapucpica: “Mandac Diosmi, paipac poderhuan Egiptopi huatashca shina, llaquita causacushcamanta llucchimurca.

ÉXODO 13:8

Chai punzhapi huahuacunaman parlashpaca: “Caitaca Mandac Dios Egiptomanta llucchimushcata yuyarishpami ruhuanchic.

ÉXODO 12:26

Cancunapac huahuacunaca: “¿Imapactac caitaca ruhuanguichic?” nishpa tapucpica:

ISAÍAS 38:19

¡Maijanpish causacushparacmi cunan ñuca canta pagui nic shina, pagui ninga! Shuc taitaca causacushparacmi can pactachinataca paipac huahuacunaman huillanga.