SALMOS 78:16 - Dios Rimashcata Quillcashcami

¹⁶ Callpacuc yacuta llucchishpami tucui pambacunata caita chaita callpacucta ruhuarca.

SALMOS 78:16 Referans Kwoze

DEUTERONOMIO 8:15

Paimi huañuchic culebracuna, alacrancuna tiyac, maipipish mana yacu tiyac, shitashca pambata pushamurca. Yacunayachicpipish, paimi sinchi rumimanta yacuta llucchirca.

NÚMEROS 20:8

«Cambac varata japishpa, cambac huauqui Aaronhuan ishcai tucushpa, tucui israelcunata tandachishpa, paicunapac ñaupapi jatun rumita rimai. Shina rimacpica, chai rumimantaca yacumi llucshinga. Chai yacutaca israelcunamanpish, paicunapac animalcunamanpish ubiachingui» nirca.

SALMOS 105:41

Rumi quingraita chaupishpami yacuta llucchirca. Chai yacuca chaquishca allpacunatami jatun yacu tucushpa callparca.

DEUTERONOMIO 9:21

Ashtahuanpish cancunata pandachic beci diosta ninapi rupachishpa, ñututa ruhuashpami urcumanta shamuc yacu huaicupi shitarcani.

SALMOS 107:35

Shitashca pambacunatapish, yacu cuchatami ruhuan. Chaquishca allpacunatapish yacu tucyacuctami ruhuan.

SALMOS 114:7

Jacobopac Mandac Diospac ñaupapica allpaca chucchunmi.

SALMOS 114:8

Paimi chaquishca rumi quingraitaca yacu junduta ruhuarca. Jatun rumitaca yacu tucyacuctami ruhuarca.

HABACUC 3:9

Cambac arcopish allichishcami. Flechacunapish huacaichishcami. Yacuhuanmi huaicu huaicuta ruhuarcangui.