SALMOS 78:15 - Dios Rimashcata Quillcashcami

¹⁵ Shitashca pambapica Rumi quingraita paquishpami yacuta llucchishpa ubiachirca.

SALMOS 78:15 Referans Kwoze

SALMOS 105:41

Rumi quingraita chaupishpami yacuta llucchirca. Chai yacuca chaquishca allpacunatami jatun yacu tucushpa callparca.

NÚMEROS 20:11

Chashna nishpami, Moisesca maquita alzashpa, paipac varahuan ishcai cutin rumi quingraipi huactarca. Chashna huactacpica, achca yacumi llucshirca. Chai yacutami tandanacushca israelcunapish, paicunapac animalcunapish ubiarca.

ÉXODO 17:6

Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

SALMOS 114:8

Paimi chaquishca rumi quingraitaca yacu junduta ruhuarca. Jatun rumitaca yacu tucyacuctami ruhuarca.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

ISAÍAS 48:21

Chaquishca pambata pushacpipish mana yacunayachircacunachu. Rumimantami yacuta llucchirca. Jatun rumi quingraita paquicpimi, yacuca callparca” ninguichic» ninmi.

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.

ISAÍAS 41:18

Urcucunamantami jatun yacucunata llucchisha. Pugru pambacunapimi yacu junducunata ruhuasha. Shitashca pambacunataca yacu cuchacunata, chaquishca pambacunataca yacucuna llucshicuctami ruhuasha.