SALMOS 78:12 - Dios Rimashcata Quillcashcami

¹² Diosca Egiptopi tiyac Zoán pambacunapimi sumaimanacunata ñaupa taitacunaman ruhuashpa ricuchirca.

SALMOS 78:12 Referans Kwoze

NÚMEROS 13:22

Neguevta huichai rishpaca, Anacpac huahua huahua Ahimán, Sesai, Talmai causana Hebronmanmi chayarca. Hebronca Egiptopi cac Zoán llacta manarac tiyacpi, canchis huata ñaupaman ñami tiyashca.

EZEQUIEL 30:14

Patros llactatapish llaquinayaitami tucuchisha. Zoán llactapica ninatami japichisha. Tebas llactataca cashcata ruhuashpami taripashpa llaquichisha.

ISAÍAS 19:11

Zoán llactata mandaccunaca imata mana entendiccunami. Faraonpac alli yachac runacunapish yangallatami cunashca. ¿Ima shinatac Faraonmanca: “Ñucanchicca alli yachaccunapac churicuna, ñaupa jatun mandaccunapac huahua huahuacunami canchic” ninguichic?

ISAÍAS 19:13

Zoán llactata mandaccunaca imata mana entendic shinami ruhuashca. Paicunataca Menfis llactata mandaccunami umashca. Huasita ruhuashpa callaripi churana rumi shina Egiptopi causaccunata llullashpa pandachishca.

SALMOS 135:9

Egiptopi causaccunalla, cancunapac chaupipimi ima ricuchinacunatapish, jatun mancharinacunatapish ruhuashpa ricuchirca. Chashnami Faraontapish, tucui paipac gentecunatapish llaquichirca.

ÉXODO 7:1

Chaimantami Mandac Diosca Moisestaca: —Riqui, cantaca ñucapac randi Faraonhuan parlachunmi churani. Cutin cambac huauqui Aaronca canmanta huillacmi canga.

SALMOS 106:22

Paica Cam llactapipish mancharinacunata, Puca Cuchapipish pi mana ricushcatami ruhuarca.

NEHEMÍAS 9:10

Faraontapish, paita serviccunatapish, chai llactapi tucui causaccunatapish, ima ricuchinacunata, mancharinacunata ruhuashpami llaquichircangui. Canca israelcunata yallita llaquichicucta ricushpami chashna llaquichircangui. Chaita ruhuashpami, tucui ricsishca tucushcangui.

DEUTERONOMIO 6:22

Mandac Dios Egipto llactapica ñucanchic ñaupapimi Faraontapish, paipac familiacunatapish llaquichishpa, jatun milagrocunatapish, pi mana ruhuaipaccunatapish ruhuarca.

DEUTERONOMIO 4:34

Mandac Diosmi Egipto llactapi cancuna causacucpi, llaquicunata cachashpa, milagrocunata ruhuashpa, jatun macanacuita ruhuashpa paipac poderhuan, paipac maquihuan llucchimurca. ¿Pai shina shuctac dioscunaca tiyangachu?

GÉNESIS 32:3

Chai quipami Jacoboca huillaccunata Edom llactapi cac Seir pambapi causac paipac huauqui Esaupacman cacharca.

JOSUÉ 9:9

Shina tapucpi paicunaca: —Canta servic ñucanchicca caru llactamantami shamunchic. Chaica, canta Mandac Dios mai allicunata ruhuashcata shinallatac Egiptopi imata ruhuashcata yachashpami shamunchic.

2 REYES 17:7

Israelcunaca juchata ruhuashpami Egiptomanta llucchimuc paicunata Mandac Diostaca piñachirca. Egipto llactata jatun mandac Faraonpac maquimanta llucchimuc Diosta cungarishpami, shuctac dioscunata mañarcacuna.