SALMOS 78:10 - Dios Rimashcata Quillcashcami

¹⁰ Dios-huan ari nishcata mana pactachircacunachu. Pai mandashcacunatapish mana cazurcacunachu.

SALMOS 78:10 Referans Kwoze

DEUTERONOMIO 31:20

Lechepish, mishquipish yacu shina tiyac allpata ñaupa taitacunaman cungapac ari nishca llactaman chayashpa, mana nicta micushpa huirayashpaca, shuctac dioscunapacman rishpami adoranga. Chashna causashpami ñuca mandashcacunata mana valichishpa, ñuca ari nishcatapish yangapi churanga.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

ÉXODO 16:28

Chaimantami Mandac Diosca: —¿Ima horascamantac ñuca mandashcacunata, nishcacunataca mana cazunguichic?

NEHEMÍAS 9:17

Mana uyashun nircacunachu, paicunaman can sumaimanacunata ruhuashcatapish mana yuyarircachu. Mana cazushpa sinchi tucushpami, cutin huatashca shina causangapac Egiptoman cutingapac shuc mandacta acllarcacuna. Ashtahuanpish canca yallita cuyac, llaquic, mana utca piñaric, perdonac Dios cashpami, paicunataca mana saquircangui.

EZEQUIEL 20:21

Ashtahuanpish paicunapac churicunaca ñucataca mana cazurcachu. Causaita cuc ñuca mandashcacunatapish, imata ruhuachun nishcacunatapish mana pactachircachu. Samana punzhatapish yangapimi churarca. Chaimantami ñuca piñarishpa, shitashca pamballapitac tucuchinata yuyarcani.