SALMOS 77:9 - Dios Rimashcata Quillcashcami

⁹ ¿Dios ñucanchicta llaquinataca cungarishcachu canga? ¿Piñarishpachu llaquina yuyaita chingachishca canga?» nishpami yuyani.

SALMOS 77:9 Referans Kwoze

SALMOS 40:11

Mandac Dioslla, ñucata llaquinataca amatac saquichu. Can llaquic cashcahuan, mana llullac cashcahuan, huiñaita huacaichiyari.

1 JUAN 3:17

Shina cashpapish cai pachapi imallata charishpapish, shuc huauqui ima illaclla cashcata ricushpa mana llaquicca, ¿ima shinatac Diospac cuyaitaca paipac shungupica charingayari?

ROMANOS 11:32

Diosca tucui gentecunata llaquingapacmi, paita mana cazuchun saquirca.

ISAÍAS 63:15

Jahua pachamanta ñucanchicta ricuiyari. Can causana, cambaclla sumaimana huasimanta chapaiyari. ¿Maipitac cambac jatun cuyaica? ¿Maipitac cambac poderca? ¿Maipitac ñucanchicta tucui shunguhuan llaquichicca? ¿Manachu llaquingui?

ISAÍAS 40:27

Jacobopac huahua huahuacunalla, ¿ima nishpatac caparicunguichic? Israelcunalla, ¿ima nishpatac cancunaca: «Mandac Diosca ñucanchic imata ruhuashcatapish, mana yachanchu. Shinallatac ñami ñucanchicta tariparca» ninguichic?

SALMOS 51:1

Ñuca Dioslla, can llaquic cashca shinallatac ñucata llaquiyari. Can yallita llaquic cashcamanta ñuca mana cazushcata pichaiyari.

SALMOS 25:6

Mandac Dios ñucata yuyariyari, canca huiñaita llaquic Diosmari cangui.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?