SALMOS 73:9 - Dios Rimashcata Quillcashcami

⁹ Jahua pachapi tiyactami camincuna. Paicunapac calluhuanca tucui cai pachapi causaccunatami imatapish rimancuna.

SALMOS 73:9 Referans Kwoze

APOCALIPSIS 13:6

Shina cucpimi Diostapish piñashpa, paipac huasitapish, shinallatac jahua pachapi causaccunatapish mana alli nishpa mapata rimarca.

SANTIAGO 3:6

Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

DANIEL 3:15

Cunanca Cornetapi, flautapi, tamborpi, arpapi, salteriopi, zampoñapi, shinallatac shuctac tocanacunapi tocashca uyaricpi, ¿ñuca ruhuashca runaman ricchapac ñaupapi cumurishpa alli ningapac rinallachu canguichic? Chai horas cumurishpa mana adorashpaca rupacuc hornopimi shitashca canguichic— nirca.

2 CRÓNICAS 32:15

Cunanca, Ezequías cancunata llullashpa crichichunca, mana saquinachu canguichic. Chashna nishpa crichicucpipish, mana crinachu canguichic. Ñuca ñaupa taitacunapac maquimantapish, ñuca maquimantapish chai llactacunapac dioscunapish, mandaccunapac dioscunapish, maijan dios cashpapish paipac maquimantaca mana quishpichic pudircachu ¡Cancunapac Dioscarin maitatac ñuca maquimanta cacharichingayari!» nichunmi cacharca.

SAN LUCAS 18:4

Juezca pai mañashcata mana utca ruhuarcachu. Ashtahuanpish juez shungupi yuyarishpaca: “Diostapish mana manchanichu, pitapish mana llaquinichu.

SALMOS 52:4

Llullac callulla, millaita rimanallatacmi munangui.

JOB 21:14

Chashna causashpami Diostaca: “¡Ñucanchicpac ñaupamanta anchuri! Can imata ruhuachun nishcacunataca mana yachacushun ninchicchu.