SALMOS 73:23 - Dios Rimashcata Quillcashcami

²³ Shina cashpapish canmantaca manatac caruyarcanichu. Canca alli maquimantami ñucataca charirarcangui.

SALMOS 73:23 Referans Kwoze

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.

SALMOS 63:8

Ñuca almaca canpi llutarishca shinami. Cambac alli lado maquica ñucata charicunmi.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

SALMOS 16:8

Ñuca causaipica Mandac Diostami tucuipac ñaupapi churani. Pai ñuca alli ladopi cacpica, imapish mana cuyuchingachu.

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SALMOS 37:24

Runa urmashpapish mana chaipi saquiringachu. Paitaca Mandac Diosmi maquimanta charicun.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

SALMOS 37:17

Diosta mana manchaccunapac rigraca paquishcami canga. Ashtahuanpish cashcata ruhuaccunata sinchiyachicca Mandac Diosmi.

SALMOS 139:18

Chaicunata yupai callaricpica, tiyutapish yalli achcami ricuringa. Riccharishpapish canllahuantacmi cani.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.