SALMOS 73:18 - Dios Rimashcata Quillcashcami

¹⁸ Paicunata llaquipi urmachingapacmi lluchcarinapi saquishcangui.

SALMOS 73:18 Referans Kwoze

SALMOS 35:6

Paicunapac ñanca amsayashca lluchcarinalla cachun. Mandac Diospac ángel paicunata cati rishpa llaquichichun.

JEREMÍAS 23:12

Chaimantami paicunapac ñanca pura tutapi lluchcarina ñan shina canga. Chaipica ñuca tangacpimi, urmashpa llaqui tucunga. Ñucallatacmi paicunamanca yallita llaqui punzhacunata apamusha.

DEUTERONOMIO 32:35

Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.

SALMOS 94:23

Paimi, paicuna millaita ruhuashcamantaca paicuna ima shina ruhuashca shinallatac llaquichinga. Paicuna millaita ruhuashcamantami chingachinga. Ñucanchicta Mandac Diosmi tucuchinga.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

SALMOS 92:7

Diosta mana manchaccuna quihua shina huiñashca cashpapish, millaita ruhuaccuna, yura sumacta sisac shina cashpapish, huiñaita chingaringapacmi cancuna.

SALMOS 37:20

Ashtahuanpish Diosta mana manchaccunaca chingachishcami canga. Mandac Diosta piñaccunaca cari oveja huira shinami yacuyanga. Cushni shinami chingaringa.

SALMOS 37:24

Runa urmashpapish mana chaipi saquiringachu. Paitaca Mandac Diosmi maquimanta charicun.

SALMOS 92:8

Mandac Dioslla, canca huiñaita jahua pachapi causac Diosmi cangui.