SALMOS 72:12 - Dios Rimashcata Quillcashcami

¹² Paita mañac imata mana chariccunatapish llaquimanta llucchingami. Pi ayudacta mana charic huacchacunatapish ayudangami.

SALMOS 72:12 Referans Kwoze

JOB 29:12

Yarcaihuan capariccunamanca ñucami cararcani. Taita mama illaccunataca ñucami ayudac carcani.

SALMOS 102:17

Imatapish mana ruhuai pudic gentecuna mañashcataca uyangami. Paicuna yallita mañacushcataca mana yangapi saquishpa chasquingami.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

2 CORINTIOS 8:9

Ñucanchic Apunchic Jesucristo mai cuyac cashcataca, ña yachanguichicmi. Paica achcata charic cashpapish, cancunamantami huaccha tucurca. Chai shina huaccha tucushcamantami, cancunaca achcata chariccuna tucunguichic.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

SALMOS 72:4

Gentecunapurapi llaquilla causaccunataca allita ricushpami mandanga. Huacchacunapac huahuacunata quishpichishpami, llaquichiccunataca sarunga.

SAN LUCAS 7:22

Jesús paicunata alliyachishpaca: —Juanpacman rishpa, cancuna imata ricushcatapish, uyashcatapish huillanguichic. Ñahui mana ricuccuna ricucushcatapish, suchucuna puricushcatapish, lepra ungüihuan caccuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillanguichic.

SALMOS 102:20

Chaica prezucuna huacashpa mañashcata uyangapac, huañuchingapac charicushcacunata cacharichingapac chashnaca ricurca.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.

2 SAMUEL 14:16

Ñucatapish, ñuca huahuatapish huañuchishpa Dios cushca llactamanta chingachisha nicuc runacunamanta misangami” yuyashpami shamurcani.

JOB 36:15

Llaquihuan caccunataca Diosmi chai llaquillahuantac quishpichin. Llaquihuan capariccunamanca Diosmi entendina yuyaita cun.

SALMOS 55:17

Tutamantapish, chaupi punzhapish, chishipish Diosta caparishpa mañashami. Paica ñuca mañashcata uyangami.

PROVERBIOS 29:7

Cashcata ruhuac runaca huacchacunatapish llaquinmi. Ashtahuanpish Diosta mana manchac runaca chai llaquina cashcata mana entendinchu.