SALMOS 72:10 - Dios Rimashcata Quillcashcami

¹⁰ Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

SALMOS 72:10 Referans Kwoze

ISAÍAS 60:6

Achca camellocunami cambac ñaupaman shamunga. Madián, Efa llactacunamantami malta camellocuna shamunga. Sabá llactamantapish curita, inciensota apashpami, Mandac Diosta alli nishpa shamunga.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

SALMOS 68:29

Jerusalenpi tiyac cambac huasimantami jatun mandaccunaca imalla caranacunahuan shamunga.

1 REYES 10:1

Sabá llactata jatun mandac huarmica Salomontaca Mandac Diospac shutimanta tucui alli nishpa parlanacucta uyashpami, mana cutichi pudipac tapuicunata tapushpa yachangapac shamurca.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

SALMOS 45:12

Tiro pueblopi causaccunami convidanacunahuan cambacman shamun. Chayuccunapish cambac ñaupapi alli ricuringapacmi convidanacunahuan shamun.

2 CRÓNICAS 9:21

Jatun mandac Salomonpac jatun barcocunaca Hiramta serviccunahuan, Tarsis llactaman rishpami, chai barcocunapi curita, cullquita, marfilta, monocunata, pavo realcunata cada quimsa huatapi shuc cutin apamuc carca.

GÉNESIS 10:7

Cuspac churicunaca: Seba, Havila, Sabta, Raama, Sabtecami carca. Raamapac churicunaca: Seba, Dedanmi carca.

SAN MATEO 2:11

Paicuna chai huasiman yaicushpaca, huahuatami paipac mama Mariandi ricurca. Chaimantami cungurishpa “allimari cangui” nircacuna. Shinallatac quipita pascashpami, curitapish, inciensotapish, mirratapish curca.

ISAÍAS 60:3

Shuctac llactacunapi causaccunapish, jatun mandaccunapish cambac achicyachic luzpimi puringa.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

ISAÍAS 42:10

Mandac Diostaca mushuc cantohuan cantaichicyari. Tucui llactacunapi causaccuna alabaichicyari. Mama cuchata puriccunapish, chai yacupi tiyaccunapish, mama cucha patapi tiyac llactacunapish, chaipi tiyaccunapish alabaichicyari.

ISAÍAS 42:4

Paica cashcata ruhuaccuna cai pachapi tiyangacaman manatac shaicungachu, mana samaringachu. Mama cucha patapi causaccunapish paipac mandashcatami shuyanga» nirca.

1 REYES 10:25

Tucui paiman cungapacca curimanta, cullquimanta ruhuashca alaja charinacunata, churarinacunata, macanacunata, mishquilla ashnacuc jambicunata, caballocunatami huatanta apamuccuna carca.

1 REYES 10:10

Shina nishca quipami, chai huarmica patsac ishcai chunga talento curita, alaja rumicunata jatun mandacmanca curca. Sabá llactata jatun mandac huarmi, jatun mandac Salomonman, mishquilla ashnacuc jambinata achcata cungapac apamushca shinaca jaicapi pi manarac apamurcachu.

1 REYES 10:2

Chai huarmica paita cuidac achca gentecunata pushamushpami, Jerusalenman shamurca. Paica mishquilla ashnacuc jambicunata, achca curita, alaja rumicunata camellocunapi apachishpami shamurca. Salomonpacman chayamushpaca, paipac shungupi tucui ima yuyashcatami parlarca.

ESTER 10:1

Jatun mandac Asueroca tucui llactapi causaccunapish, mama cucha ladopi causaccunapish impuestota cuchunmi mandarca.

SALMOS 68:30

Macanacungapac tandanacuc gentecunata llaquichiyari. Llactapi causac becicuna shina gentecunapac chaupipi shayacuc piña huagracunata manchachiyari. Cullquiraicu llaquichiccunata llaquichiyari. Macanacushpa cushicuc gentecunata caita chaita cachaiyari.