SALMOS 71:22 - Dios Rimashcata Quillcashcami

²² Dioslla, canllatami salteriopi tocashpa alabasha. Israelcunapac jucha illac Dioslla, can imatapish pactachic cashcataca arpapi tocashpami cantasha.

SALMOS 71:22 Referans Kwoze

2 REYES 19:22

¿Pitatac mana alli nishpa rimarcangui? ¿Pitatac jatun tucushpa caparircangui? ¡Israelcunapac jucha illac Diostamari rimarcangui!

SALMOS 33:2

Mandac Diostaca arpapi tocashpa pagui nichicyari. Chunga cuerdayuc tocanacunapi tocashpa cantaichicyari.

SALMOS 89:18

¡Mandac Diosca ñucanchic jarcarina escudomi! ¡Ñucanchic Jatun Mandacca israelcunapac jucha illac Diosmi!

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

SALMOS 144:9

Sumac Dioslla, cantaca mushuc cantohuanmi cantasha. Chunga cuerdayuc tocanapi tocashpami cantasha.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

ISAÍAS 5:19

Paicunaca: «Dios munashcataca ñucanchic ricungapac utca ruhuaiyari. Ñucanchic ricsingapac israelcunapac jucha illac Dios yuyarishcataca ruhuailla» nincunami.

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

SALMOS 138:2

Cantaca pactachic cashcamanta, llaquic cashcamantami cambac huasi ladoman cumurishpa cantasha. Cambac shutitapish, can rimashcatapish, tucuimanta yalli jatun cashcatami ricuchishcangui.

SALMOS 89:1

Mandac Dioslla, can llaquic cashcataca huiñaitami cantacushalla. Can nishcata pactachic cashcataca huahua huahuamanmi huillasha.

SALMOS 78:41

Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.

SALMOS 56:4

Can Diospac rimashcatami alabani. Canpimi shunguta churani. ¿Huañuclla gentecunaca imatatac ruhuai pudingayari?

SALMOS 25:10

Pai ari nishcata, pai mandashcacunata cazuccunamanca cuyashpa, llaquishpami ima allitapish ruhuan.

ROMANOS 15:8

Cristoca, Dios ñaupa taitacunaman cusha nishcata pactachic cashcata ricuchingapacmi israelcunata servingapac shamurca.

SALMOS 43:4

Cambac altar cuchumanmi yaicusha. Canca ñucata cushichic Diosmi cangui. Ñuca Dioslla, arpapi tocashpami alli nisha.

SALMOS 98:4

¡Tucui cai pachapi causaccuna Mandac Diosta cushicushpa cantaichicyari! ¡Sinchita caparishpa, maquita huactashpa salmocunata cantaichicyari!

SALMOS 98:5

Mandac Diostaca arpapi tocashpa salmocunahuan cantaichicyari. Cuerdayuc shuc tocanacunahuanpish sumacta cantaichicyari.