SALMOS 70:4 - Dios Rimashcata Quillcashcami

⁴ Tucui canta mashcaccunaca yallita cushicuchun. Quishpirinata munaccunaca: «Diosta jatunyachishca cachun» nichuncuna.

SALMOS 70:4 Referans Kwoze

LAMENTACIONES 3:25

Mandac Diosca paita shuyashpa, tucui almahuan mashcaccunapacca allimi.

SALMOS 40:16

Canta mashcaccunaca tucui mashna yallita cushicuchun. Can quishpichichun munaccunaca: «¡Mandac Diosca jatunmi!» ninataca amatac saquichun.

SALMOS 35:27

Ashtahuanpish manapish faltayuc ñucata misaccunaca cushicushpa cantachun. Punzhanta paicunaca: «¡Mandac Diosca jatunmari, paita servictaca sumacta causachunmi munan!» nichunlla.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

SALMOS 97:12

Cashcata ruhuaccuna Mandac Dios-huan cushicuichicyari. Paitaca jucha illac cashcata yuyarishpa alli nichicyari.

SAN JUAN 16:20

Cancuna llaquilla cacpipish, huacailla cacpipish, cai pachapac causaccunaca cushicungami. Shina cacpipish, cancunapac llaquica cushicuimi tucunga.

SALMOS 5:11

Ashtahuanpish canpi shunguta churaccunaca cushicuchun. Can paicunata cuidac cashcamantaca huiñaita cushicuihuan cantachun. Canta cuyaccunaca cushicuchun.