SALMOS 7:7 - Dios Rimashcata Quillcashcami

⁷ Tucui llactapi causaccunami tandanacushpa cambac muyundita shayarincuna. Jahua pachamanta paicunata mandaiyari.

SALMOS 7:7 Referans Kwoze

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

SALMOS 138:6

Mandac Diosca jatun cashpapish, yangalla runacuna mañashcataca uyaracunmi. Ashtahuanpish jatun tucushcacunataca carumantami ricucun.

SALMOS 93:4

Jahua pachapi causac Dioslla, canca tucuita ruhuacmi cangui. Canmi jatun yacu huaj nicuctapish, mama cucha jatarishcatapish yalli cangui.

SALMOS 48:11

Can cashcata ruhuashcamantaca Sión urcupipish, Judá llactapi causaccunapish yallitami cushicunga.

SALMOS 35:23

Ñuca Dioslla, ñucata Mandaclla, cashcata ruhuashpa ñucata misangapac riccharishpa shayariyari.

SALMOS 43:1

Ñuca Dioslla, ñucata imamanta llaquichicucta ricushpa misaiyari. Canta mana manchac, llullac millai gentecunapac maquimanta quishpichiyari.

SALMOS 59:5

Tucuita Mandac Dioslla, israelcunapac Diosmi cangui. Jatarishpa tucui llactacunata llaquichiyari. Canta cariyashpa millaita ruhuaccunataca maijanllatapish ama llaquichu.