SALMOS 7:5 - Dios Rimashcata Quillcashcami

⁵ ñucata piñacca japishpa llaquichichunlla. Pambaman shitashpa, ñuca alli nishca shutitapish saruchunlla.

SALMOS 7:5 Referans Kwoze

MALAQUÍAS 4:3

Chai punzhapica mana allita ruhuac runacunataca cancunami sarunguichic. Paicunaca, cancunapac chaqui pamba ucupica, uchupa shinami canga.

ZACARÍAS 10:5

Mandac Dios ñucami paicunahuanca casha. Chaimantami paicunaca sinchi soldado piñaccunata saruc shina sinchi runacuna canga. Caballocunapi ric soldadocunaca pingaichishcami canga.

HABACUC 3:13

Canca acllashca llactata cacharichingapac, aceitehuan cahuishca jatun mandacta quishpichingapacmi llucshircangui. Canta mana manchac runapac huasi catataca urmachircanguimi. Callari rumicuna ricuringacamanmi tucui urmachircangui.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

ISAÍAS 63:3

Ñucallami uvasta cutanapica uvasta sarucurcani. Gentepuramanta pi mana ñucahuan carcachu. Yallita piñarishpami sarucurcani. Chashna sarucucpimi, ñuca churanapi paicunapac yahuar chiraparishpa, tucui churanata cahuirca.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

SALMOS 60:12

Dios-huanca jatun mancharinacunatami ruhuashun. Paimi ñucanchicta piñaccunata sarunga.

SALMOS 49:12

Runaca mashnata charic cashpapish mana huiñaita causai pudinchu. Ashtahuanpish animalcuna shinami tucurinlla.

SALMOS 44:5

Can ayudacpimi, ñucanchicta piñaccunataca mishashun. Cambac shutipimi ñucanchicta piñaccunataca sarushun.

SALMOS 3:2

Taucacunami ñucataca: «¡Diosca paitaca mana quishpichingachu!» nincuna.

JOB 16:15

Sharpa churanataca llutac shinami ñuca cuerpopi churarircani. Ñuca umataca ñuto allpapimi pambarcani.

1 SAMUEL 24:11

¡Riqui, ñuca taitalla! Cambac jahualla churanata ashata pitishcataca ñuca maquipimi charicuni. Shina pitishpapish cantaca mana huañuchircanichu. Cunanca ñuca mana millai cashcatapish, canta huañuchingapac mana mashcacushtapish canllatac ña yachanguimi. Ñucaca ima juchata mana ruhuashcanichu, ashtahuanpish canmari ñucata huañuchisha nishpa mashcashpa puricungui.

1 SAMUEL 24:18

Mandac Dios cambac maquipi ñucata churacpipish mana huañuchishpami allita ruhuac cashcata cunan ricuchingui.

1 SAMUEL 24:20

Cunanca can mandac tucunatapish allimi yachani. Israelcunata mandanaca cambac maquipimi huiñaita alli canga.