SALMOS 7:16 - Dios Rimashcata Quillcashcami

¹⁶ Paicuna millaita ruhuashcaca paicunallatatacmi llaquichinga. Paicuna llaquichingapac yuyarishcapish paicunapac jahuallapitacmi urmanga.

SALMOS 7:16 Referans Kwoze

ESTER 9:25

Shina cacpipish Ester jatun mandacpac ñaupaman ricpica Judá gentecunata llaquichishpa jatun llaquita ruhuachun saquinapac randica, chai llaqui paillamantac urmachunmi shuc quillcata cacharca. Shinallatac paitapish, paipac churicunatapish huarcushpa huañuchichunmi mandarca.

1 REYES 2:32

Mandac Diosca cai yahuartaca paillamantacmi cutichinga. Paica, paitapish yalli imatapish cashcata ruhuac ishcai alli runacunatami huañuchirca. Paicunataca ñuca taita Davidpish mana yachacpimi, espadahuan huañuchirca. Nerpac churi Abnerca Israel soldadocunata mandac, Jeterpac churi Amasaca Judá llacta soldadocunata mandacmi carca.

SALMOS 36:12

¡Chaipimi chai millai runacunaca urmashpa jaicapi mana jataringacuna!

1 SAMUEL 28:19

Shinallatac Mandac Diosca israelcunatapish, cantapish filisteocunapac maquipimi churanga. Shina churacpimi, cayaca canpish, cambac churicunapish ñucahuan canguichic. Mandac Diosca Israel soldadocunatapish filisteocunapac maquipimi churanga— nirca.

1 SAMUEL 26:10

Shinallatac Davidca: —¡Mandac Diospac shutipimi nini: Mandac Diosllatacmi paitaca llaquichinga, mana cashpaca paipac huañuna punzhami chayanga, mana cashpaca jatun macanacuipimi chingaringa!

1 SAMUEL 23:9

Ashtahuanpish Davidca Saúl ima shina huañuchinata yuyaricushcata yachashpami Abiatar curataca: —Efodta apamui— nirca.

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

1 REYES 21:19

Paita rimashpaca: “Mandac Diosca: ‘¿Nabotta huañuchishca jahuachu allpatapish japicungui? Maipimi Nabotpac yahuarta allcucuna lambirca, chaillapitacmi cambac yahuartapish allcucuna lambinga’ ninmi” nigri» nirca.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

JOB 4:8

Mana allita tarpuccunaca mana allillatatac cosechactami ricushcani.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

SALMOS 35:8

Paicunata cungaimanta llaqui japishca cachun. Pacalla churashca tucllallapitac paicunallatac urmashpa, jatun llaqui tucuchun. Jatun llaqui tucushpa chingachishca cachun.

SALMOS 57:7

Dioslla, ñuca shunguca canta alabana yuyaillami. Shungupica chai yuyaillami cani. Salmocunahuanmi cantasha nini.

SALMOS 141:10

Canta mana manchaccunaca paicuna churashca linchillapitac urmachun. Paicuna chashna cacpica ñucaca ñaupaman rishpami catisha.

PROVERBIOS 1:19

Ima shinapish chayucyanata munaccunataca chai charishcallatacmi causaita quichun.

PROVERBIOS 26:27

Ucuta jutcuc runaca chaillapitacmi urmanga. Jatun rumita singuchicpica, paipac jahuallatatacmi shamunga.

ECLESIASTÉS 10:8

Jutcuta ruhuacca chai jutcullapitacmi urmanga. Pircata urmachictaca culebrami caninga.