SALMOS 69:13 - Dios Rimashcata Quillcashcami

¹³ Shina cacpipish Mandac Dioslla, can ñucata llaquina punzhapimi mañacuni. Dioslla, can yallita llaquic cashcamanta, ñuca mañashcata cutichiyari. Can cashcata nic cashcamanta quishpichiyari.

SALMOS 69:13 Referans Kwoze

2 CORINTIOS 6:2

Dios quillcachishcapica: «Cancunata ayudana punzhapimi uyarcani. Quishpichina punzhapimi quishpichircani» ninmi. ¡Shina cashcamanta cunanmari Diosca ayudasha nicun! ¡Cunanmari Diosca quishpichisha nicun!

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

1 SAMUEL 25:8

Chaitaca canta serviccunaman tapunguilla, paicunaca huillangallami. Shina cashcamanta ñuca cachashca mosocuna cambac ñaupapi alli ricurishca cachun. Ñucanchicca cushicui punzhapimi chayamushcanchic. Shina cashcamanta can imata charishca micunacunata canta serviccunaman, cambac churi Davidman cachai ninmi” nigrichic— nirca.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

GÉNESIS 24:27

«¡Ñuca amo Abrahampac Mandac Dioslla, cantaca alli nichun! ¡Canca llaquic cashpa, shinallatac imatapish cashcata nic cashpami, ñuca amopac familiapacmantac ñucataca pushamushcangui!» nirca.

SAN LUCAS 22:44

Jesús yalli llaquihuan cashpami, ashtahuan Diosta mañarca. Jumbipish yahuar shinami pambaman shuturca.

SALMOS 98:3

Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.

SALMOS 51:1

Ñuca Dioslla, can llaquic cashca shinallatac ñucata llaquiyari. Can yallita llaquic cashcamanta ñuca mana cazushcata pichaiyari.

SALMOS 32:6

Chashna cacpimi, canta cazuccunaca can uyana punzhapi mañangacuna. Jatun yacu jundac shina shamushpapish paicunataca manatac japingachu.

ESTER 7:2

Cayandi punzha vinota ubiashpa tiyacushpami, jatun mandacca Estertaca: —Jatun mandac Ester, ¿imatatac mañasha ningui? Can mañacpica, ñuca mandacuc llactamanta chaupitapish cushallami— nirca.

ESTER 5:6

Chaipi vinota ubiashpa tiyacushpami jatun mandacca Estertaca: —¿Imatatac mañasha ningui? ¡Can mañacpica, ñuca mandacuc llactamanta chaupitapish cushallami!— nirca.

ESTER 5:2

Jatun mandacca pungu pambapi Ester shayacucta ricushpaca cushicurcami. Chaimantami paipac maquipi charicuc curi varata Esterpac ladoman ricuchicpi Esterca paipacman cuchuyashpa, chai curi varapi tuparirca.

SAN LUCAS 1:72

Ñaupa taitacunata llaquishpa, paipac sumac ari nishcata mana cungarishpa pactachicungami.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

LAMENTACIONES 3:63

Paicuna tiyarictapish, jatarictapish ricuiyari. Ñucataca mana alli nishpami burlan.